Atɔ Lɛsunahɛ 3:3 - Bulu Ntam Pɔpwɛ mʋ́a Israel Ɩlʋ

³ Mʋ́ sʋ kaɩn tɔá bosuna fʋ pʋ́ mʋ́á fonusʋ. Gyi mʋ́sʋ, afʋdamli klʋntɔ. Tamɛ nɩ fʋmetsinki a, nóbofwie fʋtɔ fɛ owikplu, fʋmɛ́ɛbɩ brɛá nɛ́ba.

Atɔ Lɛsunahɛ 3:3 Iomraidhean Croise

Mateo 25:13

Yesu lɔmɔ mʋ́ ɔnɔ ɔbɛɛ, “Ɩnɩ sʋ mlɩda ɩwɩsʋ. Tsufɛ mɩ, Nyankpʋsa-Mʋ-Bi anfɩ nɛ́ba brɛá mlɩ ansɩ mɛdɩn mɩsʋ.

Marko 13:33

Mlɩdɩnka ansɩ ɩwɩsʋ, tsufɛ mlɩmeyin ɛkɛá brɛ amʋ ɩbɔ́fʋn.

Marko 13:36

Mlɩdɩnka ansɩ ɩwɩsʋ, mɛnɩ ɔba bofwie mlɩtɔ a, ɔmɔ́ɔbɔtʋ mlɩ ánɩ́ mlɩladɩdɩ.

1 Tesalonikafɔ 5:2

Tsufɛ mlɩ onuto mlɩyin ánɩ́ anɩ Wie ɔbakɛ amʋ ɩbɛ́ba bofwie anɩtɔ, fɛ alɩá owikplu tɛba onye.

1 Timoteo 6:20

Timoteo, kɩta ɩtɔ amʋʋ Bulu laha fʋ amʋ wanklaan. Asʋn ánɩ́ ɩma asɩ, imosuna Bulusum mádalɩ fʋ ɔnɔ. Máwa ɩwɩ mimla nwɛngyiá ɩtamasuna Bulusumtɔ. Akʋ bʋtɔwa afunu bɛɛ, asʋnbɩ igyi.

2 Timoteo 1:13

Kɩta ɔnɔkwalɩ asʋn amʋʋ nosuna fʋ amʋtɔ. Yɔ mʋ́sʋ afʋhɔ Kristo gyi tsɩa. Dwɛ fʋ aba, tsufɛ fʋa Kristo Yesunyɔ mlɩlabwɛ kʋlɛ.

Hebrifɔ 2:1

Ɩnɩ sʋ ilehian ánɩ́ abɛ́kɩta ɔnɔkwalɩ asʋn amʋʋ anɩlanu amʋtɔ kinkiinkin, mɛnɩ ɩmɛ́ɛdalɩ anɩ ɩbɩ.

2 Petro 1:13

Ee, nawun ánɩ́ ɩnɩá nenya mbʋ nkpa anfɩ mʋ́ a, ɩbʋ alɛá nétsia kaɩn mlɩ asʋn anfɩ bregyibrɛ.

2 Petro 3:1

Mɩ apio adwɛpʋ, ɩnɩgyi ɔwʋlʋ nyɔsɩá ndɛwanlɩn sɩsɩ mlɩ nɩ. Ndɛpʋ nwʋlʋ anyɔ anfɩ kaɩn mlɩ, mɛnɩ mlɔ́gywɩɩn mʋ́ ɩwɩ wanklaan.

2 Petro 3:10

Tamɛ anɩ Wie ɔbakɛ amʋ ibófwie ahatɔ, fɛ alɩá owikplu tofwie ɔhatɔ. Ɛkɛ amʋ a, ɔsʋsʋ bɔ́sʋra okitikiti kʋklʋkʋʋ ŋa. Ogya bɛ́ŋlaɩn ntobiá ɔlɔpʋbwɛ ɔsʋ mʋ́a asɩ fɛ́ɛ́. Ɔsʋlʋ mʋ́a mʋ́sʋ atɔ ɛ fɛ́ɛ́ bɔ́hɔ plɩplɩplɩplɩ.

Atɔ Lɛsunahɛ 16:15

Anɩ Wie ɔbɛɛ, “Kɩ, nɛ́ba fɛ owikplu. Bulu obóyula ɔha ánɩ́ ɔlɛda ɩwɩsʋ, alala mʋ atadɩɛ yaɩ, mɛnɩ ɔmɛ́ɛnatɩ yaya, pɛlɩ mɛ́ɛkɩta mʋ.”

Atɔ Lɛsunahɛ 2:25

Tamɛ mlɩkɩta mɩ atosunahɛ amʋʋ mlɩbʋ amʋtɔ kinkiinkin yɔfʋn brɛá nɛ́ba.

Atɔ Lɛsunahɛ 2:5

Mʋ́ sʋ kaɩn alɩá tɛkɩ fʋgyi asa fadɩda. Damli klʋntɔ, afʋlatsia fʋ atsiabi. Nɩ megyi alɩ a, nɛ́ba bɛlɛ fʋ ɔkandɩɛ-oyi amʋ lɛ mʋ́ aba ɔpasua atrahɛ amʋtɔ.

Atɔ Lɛsunahɛ 22:7

“Kɩ! Ɩmɔ́ɔwa ɔpá nɛ́ba! Ɔwʋlʋ anfɩtɔ asʋn bɛ́ba mʋ́tɔ. Mʋ́ sʋ Bulu obóyula ɔha ánɩ́ olegyi mʋ́ fɛ́ɛ́sʋ!”

Atɔ Lɛsunahɛ 3:11

Kɩ, nɛba nɩ. Mʋ́ sʋ kɩta ɩtɔ amʋʋ fʋbʋ amʋtɔ kinkiinkin, mɛnɩ ɔhaa mɔ́ɔhɔ fʋ ɩsʋgyi-ɩpa lɛ fʋ ɩbɩtɔ.

Atɔ Lɛsunahɛ 3:19

Aha ánɩ́ ntɔdwɛ a, amʋ́ ntɔwa ɩyɩn wa, bɩtɩ amʋ́ ɩsʋ. Mʋ́ sʋ wa nsi, afʋdamli klʋntɔ.

Atɔ Lɛsunahɛ 3:2

Mʋ́ sʋ tsinki, afʋwa fʋ atɔ trahɛ amʋ ɔwʋnlɩn, tsufɛ idekle iwu. Nawun ánɩ́ fʋ bwɛhɛ lesian mɩ Bulu ansɩtɔ.