Filipifɔ 1:28 - Bulu Ntam Pɔpwɛ mʋ́a Israel Ɩlʋ

²⁸ Mlɩmánya aha ánɩ́ bɔ́kʋsʋ lɩɩ mlɩsʋ ifu ɔkpa ɔkʋkʋsʋ. Mlɩ ɩklʋnwa ɩbɔ́bwɛ osuna ha amʋ́á Bulu onuto ɔbɛ́hɩ amʋ́ fɛ́ɛ́, tamɛ ɔbɔ́hɔ mlɩ mʋ́ nkpa.

Filipifɔ 1:28 Iomraidhean Croise

Israelfɔ Ɩlʋ 50:23

Ɔha ánɩ́ ɔtɔpʋ ɩpan bɔ afɔdɩɛ ha mɩ lawa mɩ numnyam. Ɔha ánɩ́ ɔna yilebwɛ ɔkpasʋ a, mʋ nɔ́hɔ nkpa.”

Mateo 10:28

Mlɩmánya nyankpʋsa ifu. Ɔbɛ́talɩ mɔ mlɩ ɔyʋlʋ, tamɛ ɔmɛ́ɛtalɩ mɔ mlɩ ɔkla. Mboun ɔha ánɩ́ mlɩnya ifu gyi Bulu. Mʋ ɔbɛ́talɩ yinta ɔyʋlʋ mʋ́a ɔkla amʋ fɛ́ɛ́ ɩsʋbɩtɩ ogya ánɩ́ ɩtamaduntɔ.

Marko 3:3

Yesu lɛbla oyin amʋʋ mʋ ɩbɩ kʋlɛ lawu amʋ ɔbɛɛ, “Kʋsʋ bɛlɩɩ amʋ́ ansɩtɔ nfɩ.”

Luka 3:6

Aha fɛ́ɛ́ bówun Bulu nkpahɔ.> ”

Yohane 16:8

Nɩ ɔba a, ɔbɛ́lɛ suna ɔyɩtɔ aha ánɩ́ lakpanbwɛ sʋ bafwɩ. Ɔbɛ́lɛ tɔá igyi Bulu yilebwɛ pʋ́ mʋ asʋngyi ɛ suna amʋ́.

Gyumagyihɛ 28:28

Paulo lɔmɔ mʋ asʋn ɔnɔ ɔbɛɛ, “Mʋ́ sʋ ndekleá mlɩbɩ ánɩ́ Bulu nkpahɔ asʋn amʋ lawie aha ánɩ́ bʋmegyi Yudafɔ ɛ wa dodo. Amʋ́ mʋ́ bɔ́hɔ asʋn amʋ.”

Romafɔ 8:17

Nɩ Bulu abi anɩgyi a, mʋmʋ anɩgyi mʋ atɔ agyipʋ. Anɩa Kristonyɔ obégyi mʋ atɔ. Tsufɛ nɩ awun Kristo ipian amʋ kʋ a, mʋmʋ abénya mʋ numnyam amʋ ɛ kʋ.

1 Tesalonikafɔ 2:2

Mlɩyin alɩá bɔwa anɩ amʋmʋyɔ, sʋpa anɩ Filipi wulutɔ asa anɩlɛba mlɩ wa. Mlɩyin ánɩ́ akʋ bʋmotsula, bɛhɩɛ kʋsʋ lɩɩ anɩsʋ; tamɛ anɩ Bulu lɔwa anɩ ɔwʋnlɩn, anɩlɛbla mlɩ asʋn wanklaan amʋ.

Hebrifɔ 13:6

Mʋ́ sʋ abɛ́talɩ wa klʋn blɩ anɩaa, “Mɩ Wie Bulu gyi mɩ ɔbʋapʋ. Mʋ́ sʋ tɔtɔ mɔ́ɔwa mɩ ifu. Ntɔ nyankpʋsa ɔbɛ́talɩ bwɛ mɩ?”

Atɔ Lɛsunahɛ 2:10

Máha ipian ánɩ́ ɩbɛ́ba fʋsʋ ɩwa fʋ ifu. Ndɛ fʋ bla, Ɔbʋnsam ɔbɛ́ha bɛ́kɩta mlɩtɔ akʋ tswɩ obu. Ɔbɔ́sɔ mlɩ kɩ. Bɛ́dɩnka fʋsʋ nkɛ du. Nɩ lowutɔ igyi o a, fʋ mʋ́ wa ɔnɔkwalɩ. Nɛ́ha fʋ ɩsʋgyi-ɩpa, igyi nkpa ánɩ́ ɩtamata.