Mateo 4:3 - Bulu Ntam Pɔpwɛ mʋ́a Israel Ɩlʋ

³ Ɩnʋ Ɔbʋnsam lɔsɔ mʋ kɩ, bla mʋ ɔbɛɛ, “Nɩ Bulu mʋ Bi fʋgyi a, mʋmʋ ha abwi anfɩ ɩdamli bwɛ bodobodo.”

Mateo 4:3 Iomraidhean Croise

Mateo 14:33

Ɩnʋ aha amʋʋ bʋbʋ ɔklʋn amʋtɔ amʋ bɛda akpawunu Yesu ayabitɔ, blɩ bɛɛ, “Lɛlɛ, Bulu mʋ Bi fʋgyi.”

Mateo 16:16

Simon Petro lɛlɛ mʋ́ ɔnɔ ɔbɛɛ, “Fʋgyi Kristo, (ɔha amʋʋ Bulu lada mʋ ofuli amʋ) nɩ. Bulu Ɔkɩankpapʋ amʋ mʋ Bi.”

Mateo 26:63

Tamɛ Yesu mobwii ɔnɔ. Bulu igyi ɔhapʋ dɛhɛn amʋ lɛla bla Yesu ɔbɛɛ, “Nɛka Bulu Ɔkɩankpapʋ amʋ, nɩ fʋgyi Kristo, (ɔha amʋʋ Bulu lada mʋ ofuli), ogyi Bulu mʋ Bi amʋ a, bla anɩ.”

Mateo 3:17

Ɩnʋ ɔmɛ kʋ tsu ɔsʋsʋ ɔbɛɛ, “Ɔ́nɩ gyi mɩ Biá ntɔdwɛ mʋ, mɩ ansɩ tɛhɩɛ gyi mʋ ɩwɩ nɩ.”

Marko 1:1

Alɩ Bulu mʋ Bi Yesu Kristo ɩwɩ asʋn wanklaan amʋ ilotsua asɩ nɩ.

Marko 3:11

Nɩ aha ánɩ́ ɔŋɛ lalahɛ bʋ amʋ́sʋ benya wun mʋ alɩ badɩda mʋ ayabiasɩ, sʋra okitikiti blɩ bɛɛ, “Fʋgyi Bulu mʋ Bi amʋ nɩ!”

Marko 5:7

Mʋʋ ɔlɔsʋra okitikiti kʋklʋkʋʋ ɔbɛɛ, “Ɔsʋsʋʋsʋ Bulu mʋ Bi Yesu, amansʋ igyi? Tanʋ Bulu ánɩ́ fʋmɛ́ɛpɩtɩ mɩ atɔ!”

Luka 1:35

Bulu-ɔbɔpʋ amʋ lɛlɛ mʋ́ ɔnɔ ɔbɛɛ, “Ɔŋɛ Wankɩhɛ ɔbɛ́ba fʋsʋ. Ɔsʋsʋʋsʋ Bulu amʋ tumi bóbun fʋsʋ. Ɩnɩ sʋ aha bɛ́tɩ Obi wankɩhɛ amʋʋ fɔ́kwɩɩ amʋ bɛɛ, ‘Bulu mʋ Bi.>

Luka 22:70

Amʋ́ fɛ́ɛ́ bɛfɩtɛ Yesu bɛɛ, “Mʋ́ sʋ fʋgyi Bulu mʋ Bi amʋ nɩ?” Yesu lɛbla amʋ́ ɔbɛɛ, “Ee, ɔnɔkwalɩ amʋ mlɩlablɩ a.”

Luka 4:3

Ɩnʋ Ɔbʋnsam lɛbla mʋ ɔbɛɛ, “Nɩ Bulu mʋ Bi fʋgyi a, mʋmʋ ha ibwi anfɩ ɩdamli bodobodo.”

Luka 4:41

Ɔŋɛ lalahɛ bʋ amʋ́ akʋtɔ. Yesu lɔkplʋn wa ɔŋɛ lalahɛ amʋ. Bɛdalɩ, bʋdɛ okitikiti bɛɛ, “Fʋgyi Bulu mʋ Bi amʋ nɩ.” Tamɛ Yesu lɔwa mbla wa ɔŋɛ lalahɛ amʋ ánɩ́ bʋmátɔɩ, tsufɛ bʋyin ánɩ́ mʋgyi Kristo, (ɔha amʋʋ Bulu lada mʋ ofuli amʋ) nɩ.

Luka 4:9

Ɔbʋnsam lɛkpa mʋ ya Yerusalem, ɔlɔpʋ mʋ yɛlɩɩ Bulu ɔtswɛkpa obu amʋ ɔtantra. Ɩnʋ ɔlɛbla Yesu ɔbɛɛ, “Nɩ Bulu mʋ Bi fʋgyi lɛlɛ a, tu kpayi.

Yohane 1:34

Nawun ánɩ́ ɩlaba mʋ́tɔ. Mʋ́ sʋ ndɛ mʋ ɩwɩ adansɩɛ gyi mbɛɛ, mʋgyi Bulu mʋ Bi amʋ nɩ.”

Yohane 1:49

Nataniel lɛbla mʋ ɔbɛɛ, “Osunapʋ, fʋgyi Bulu mʋ Bi Israel Owie amʋ nɩ.”

Yohane 20:31

Tamɛ bawanlɩn ɩnɩ, mɛnɩ mlóhogyiá Yesu gyi Bulu mʋ Bi Kristo amʋ. Asʋn anfɩsʋ hogyi ɔbɛ́ha mlénya nkpa ánɩ́ ɩtamata mʋ ɩdatɔ nɩ.

Yohane 9:35

Yesu lonuá bagya oyin amʋ lɛ ofiakpa ɩnʋ. Mʋ́ sʋ brɛá olowun mʋ a, ɔlɛfɩtɛ mʋ ɔbɛɛ, “Fɔhɔ Nyankpʋsa-Mʋ-Bi amʋ gyi?”

Gyumagyihɛ 9:20

Ɩnʋnʋ ɔlɛnatɩ yɔ amʋ́ ofiakpa, yefi Yesu ɩwɩ asʋn ɔkan da asɩ ɔbɛɛ, “Yesu gyi Bulu mʋ bi amʋ nɩ.”

2 Korintofɔ 1:19

Tsufɛ Bulu mʋ Bi Yesu Kristo amʋ tamablɩ ɔbɛɛ “Ee” latsɛ mʋ́ ɔbɛɛ “O-o.” Mʋ mʋ́ a, “Ee” koun ototsula. Mʋ ɩwɩ asʋn ɔkan mɩa Silas pʋ́ Timoteo anɩlɛda suna mlɩ nɩ.

Galatiafɔ 2:20

Mʋ́ sʋ ntsie nkpa sei, tamɛ megyi mɩ onuto tsie nkpa ɔsʋlʋ anfɩsʋ. Kristo, ogyi Bulu mʋ Bi amʋ tsie mɩtɔ. Mʋlɔdwɛ mɩ, bowu ha mɩ. Mʋ hogyi sʋ ntsie nkpa.

1 Tesalonikafɔ 3:5

Ɩnɩ sʋ brɛá netsia mmetsia a, nɔwa Timoteo mlɩ wa mbɛɛ, ɔbɛ́kɩ alɩá mlɩdɛ hogyi amʋtɔ. Tsufɛ ɩbɛ́talɩ ba ánɩ́ Ɔbʋnsam lasɔ mlɩ kɩ, ha anɩ gyumagyihɛ labwɛ kpaalɩ.

Hebrifɔ 12:16

Mlɩkɩá mlɩtɔ ɔkʋkʋ ɛ mɔ́ɔbwɛ mʋ ɩwɩ mbʋa ɔtɔpʋ, ntɛ ɔha ánɩ́ ɔtamabu Bulu fɛ Esau. Mʋlɔpʋ mʋ handɛ tsɛ ɔtsawʋlɛ atogyihɛ.

Hebrifɔ 4:14

Anɩbʋ igyi ɔhapʋ dɛhɛn kpɔnkpɔntɩá alada fa ɔsʋsʋ yɔ ɔbʋ Bulu wa. Mʋgyi mʋ Bi Yesu. Ɩnɩ sʋ mlɩha akɩta Yesu anfɩ anɩdɛ mʋ ɩwɩ adansɩɛ gyi anfɩtɔ kinkiinkin. Anɩmádɩnkɩ ansɩ mʋsʋ.

Hebrifɔ 7:3

Bulu asʋn mɛblɩ asʋansʋ tsu Melkisedek akwɩɩpʋ ntɛ mʋ otuntufla, mʋ kwɩɩ ntɛ mʋ lowu ɩwɩ. Ɔlɛlɩan Bulu mʋ Bi amʋ. Bulu igyi ɔhapʋ ogyi brɛ fɛ́ɛ́tɔ.

1 Yohane 3:8

Tamɛ Ɔbʋnsam mʋ bi ɔha ánɩ́ ɔtra ɔdɛ lakpan bwɛ gyi. Tsufɛ Ɔbʋnsam dɛ lakpan bwɛ tsu brɛá ɔyɩ lefi asɩ ɔpá. Bulu mʋ Bi Yesu Kristo lɛba ɔyɩtɔ beyinta Ɔbʋnsam gyumagyihɛ kugyikʋ.

Atɔ Lɛsunahɛ 2:10

Máha ipian ánɩ́ ɩbɛ́ba fʋsʋ ɩwa fʋ ifu. Ndɛ fʋ bla, Ɔbʋnsam ɔbɛ́ha bɛ́kɩta mlɩtɔ akʋ tswɩ obu. Ɔbɔ́sɔ mlɩ kɩ. Bɛ́dɩnka fʋsʋ nkɛ du. Nɩ lowutɔ igyi o a, fʋ mʋ́ wa ɔnɔkwalɩ. Nɛ́ha fʋ ɩsʋgyi-ɩpa, igyi nkpa ánɩ́ ɩtamata.