Mateo 3:2 - Bulu Ntam Pɔpwɛ mʋ́a Israel Ɩlʋ

² Ɔbɛɛ, “Mlɩdamli klʋntɔ amlɩsi lakpan bwɛ, tsufɛ Bulu iwiegyi lawie woyi ta.”

Mateo 3:2 Iomraidhean Croise

Mateo 10:7

Nɩ mlɔyɔ a, mlɩda asʋn amʋ ɔkan mlɩaa, ‘Bulu iwiegyi amʋ lawie woyi ta.>

Mateo 11:20

Yesu lɔpʋ ɔblɔ tɔɩ tsu awulu akʋ ɩwɩ. Awulu amʋá ɔlɔbwɛ ofula akpɔnkpɔntɩ mʋ́tɔ, tamɛ bʋmɛdamli klʋntɔ amʋ.

Mateo 12:41

Niniwefɔ ɛ bɔ́kʋsʋ Bulu asʋn ogyikɛ amʋ, ha mlɩ ndɛmba-abi anfɩ ɩpɔn. Tsufɛ brɛá Yona lɛda Bulu asʋn ɔkan suna amʋ́ a, bɛdamli klʋntɔ ba Bulu wa. Mlɩkɩ, ɔha ánɩ́ ɔdʋn Yona onuto lɩɩ nfɩ a.

Mateo 13:11

Mʋʋ ɔlɛlɛ mʋ́ ɔnɔ ɔbɛɛ, “Mlɩ mʋ́ a, Bulu laha mlɩ ɔkpa ɔbɛɛ, mlɩbɩ mʋ iwiegyi amʋ ɩwɩ asʋn ŋainhɛ, tamɛ ɔmɛha amʋ́ mʋ́ alɩ.

Mateo 13:24

Yesu lɛtra ha aha amʋ yebi kʋ ɛ ɔbɛɛ, “Bulu iwiegyi amʋ igyi fɛ ɔdɔtɔpʋ ɔkʋá oloyodu ayo wanklaan mʋ ndɔtɔ.

Mateo 13:31

Yesu lɛtra ha amʋ́ yebi ɔbɛɛ, “Bulu iwiegyi amʋ igyi fɛ takyi-akpin ibi, oyin ɔkʋ lodu wa mʋ ndɔtɔ.

Mateo 13:33

Yesu lɛtra ha amʋ́ yebi kʋ ɔbɛɛ, “Bulu iwiegyi amʋ igyi fɛ bodobodotu-afa ánɩ́ ɔtsɩ ɔkʋ lɔpʋtsɩa bodobodo nfuo kɛntɛ kʋlɛ, ɩlɛha mʋ́ lotu.”

Mateo 13:47

Bulu iwiegyi amʋ lɛla igyi fɛ asawu ánɩ́ bɔtswɩ wa ɔpʋtɔ lɛ aye ɔtsan-ɔtsan.

Mateo 13:52

Mʋʋ ɔlɛbla amʋ́ ɔbɛɛ, “Mʋmʋ mbla osunapʋ oduá alakasɩ Bulu iwiegyi amʋ ɩwɩ asʋn ɛ bɩ a, ogyi fɛ woyi mʋ wie oduá ɔtɛlɛ atɔ pɔpwɛ mʋ́a dada fɛ́ɛ́ tsu mʋ atɔ ɔyaɩkpa.”

Mateo 18:23

Ɩnɩ sʋ Bulu iwiegyi amʋ igyi fɛ asʋn anfɩ. Owie ɔkʋ lɔbwɛ agywɩɩn ánɩ́ mʋa mʋ asumpʋ bóbu akunta.

Mateo 20:1

Yesu lɛtra bla amʋ́ ɔbɛɛ, “Mʋ́ sʋ Bulu iwiegyi amʋ igyi fɛ asʋn anfɩ. Ɔdɔtɔpʋ ɔkʋ letsia. Ɛkɛ ɔkʋ ɔlɔkʋsʋ nyankɩ-nyankɩ ɔyɔ ɩpa agyipʋ odunkakpa, abʋyɛyɔ agyʋma mʋ ndɔtɔ.

Mateo 23:13

“Mlɩ Farisifɔ pʋ́ Mose mbla asunapʋ, apinabwɛbi abwɛpʋ, mlɩgyɔwɩ nɩ. Mlɩlatin Bulu iwiegyi amʋ ɔkpa wa aha. Mlɩ onuto mlɩmedekleá mlówie ɩnʋ, mlɩdɛ aha ánɩ́ bʋdɛ mbɔdɩ bɔá bówie ɩnʋ ɛ ɔkpa tin.

Mateo 25:1

“Bulu iwiegyi amʋ ɩbɔ́bwɛ fɛ mbitebi du akʋá botsu amʋ́ nkandɩɛ dalɩ beyefia ɔka pɔpwɛ otsiapʋ ɔkʋ.

Mateo 25:14

“Nyankpʋsa-Mʋ-Bi amʋ ɩbabɩ bɔ́bwɛ fɛ ɔkʋá ɔdɛ ɔkpa tu, ɔlɛtɩ mʋ asumpʋ, ye mʋ atɔ ha amʋ́ ɔbɛɛ, bʋkɩ mʋ́sʋ yaɩ mʋ.

Mateo 4:17

Tsu ɩnʋ Yesu lefi asɩ ɔdɛ Bulu asʋn ɔkan da, blɩ ɔbɛɛ, “Mlɩdamli klʋntɔ, Bulu iwiegyi lawie woyi ta.”

Mateo 4:23

Yesu leki Galilea ɔmátɔ fɛ́ɛ́, suna atɔ Yudafɔ ofiakpa. Ɔlɛda Bulu iwiegyi amʋ ɩwɩ asʋn wanklaan ɔkan. Ɔlɛtsa ɔŋɛtɔ mʋ́a awutɔ ɩlɔ kugyikʋ.

Mateo 5:10

Bulu layula aha ánɩ́ bʋdɩn amʋ́sʋ mʋ apɛbwɛ sʋ, tsufɛ amʋ́bʋ mʋ iwiegyi amʋ nɩ.

Mateo 5:3

“Bulu layula aha ánɩ́ amʋ́ ansɩ mɛdɩn tɔtɔsʋ dʋn mʋ Bulu, tsufɛ amʋ́bʋ mʋ iwiegyi amʋ.

Mateo 6:10

Ba begyi iwie. Aha bʋbwɛ fʋ apɛ ɔsʋlʋsʋ, fɛ alɩá bʋtɔbwɛ mʋ́ ɔsʋsʋ.

Mateo 6:33

Atɔá mlɩgyankpa dunka gyi, Bulu iwiegyi pʋ́ mʋ yilebwɛ; fówun Bulu ɔbɔ́pʋ ɩnɩ fɛ́ɛ́ tsɩa mʋ́tɔ ha mlɩ.

Marko 1:15

Ɔbɛɛ, “Brɛ amʋ lafʋn. Bulu iwiegyi amʋ lawie woyi ta. Mlɩdamli klʋntɔ ba Bulu wa, amlɩhɔ mʋ asʋn wanklaan amʋsʋ gyi.”

Marko 1:4

Asu Ɔbɔpʋ Yohane lɛba ɔdɛ aha asu bɔ, ɔdɛ Bulu asʋn ɔkan da Yudea ɔsʋlʋkpansʋ ɔbɛɛ, “Mlɩdamli klʋntɔ, amlɩsi lakpan bwɛ; Bulu osikie mlɩ, ambɔ mlɩ asu.”

Marko 6:12

Mʋ́ sʋ bɔyɔ yɛda asʋn amʋ ɔkan bɛɛ, aha bʋdamli klʋntɔ.

Luka 1:16

Ɔbɛ́ha Israelfɔ tsɔtsɔɔtsɔ bɛ́damli klʋntɔ ba amʋ́ Wie Bulu wa.

Luka 11:20

Tamɛ ɩnɩá Bulu tumi ndɛpʋgya ɔŋɛ lalahɛ sʋ a, mlɩbɩá Bulu iwiegyi amʋ laba mlɩ wa dodo.

Luka 13:3

Ndɛ mlɩ bla mbɛɛ, megyi alɩ igyi! Nɩ mlɩ ɛ mlɩmɛdamli klʋntɔ a, mlɩ fɛ́ɛ́ mlówu fɛ amʋ́.

Luka 13:5

Ndɛ mlɩ bla mbɛɛ, megyi alɩ igyi. Nɩ mlɩmɛdamli klʋntɔ a, mlɩ ɛ mlówu fɛ amʋ́.”

Luka 15:10

Ndɛ mlɩ bla mbɛɛ, alɩ ansɩ bɛ́hɩɛ gyi Bulu-abɔpʋ nɩ lakpan ɔbwɛpʋ ɔkʋlɛ ɔdamli klʋntɔ nɩ.”

Luka 15:7

Alɩ kɛn ndɛ mlɩ bla mbɛɛ, nɩ lakpan ɔbwɛpʋ ɔkʋlɛ pɛ ɔdamli klʋntɔ a, ansɩ bɛ́hɩɛ gyi aha ɔsʋsʋ ɩnʋ dʋn alɩá ibégyi amʋ́ aha wanklaan adukweba-kweba (99) ánɩ́ bʋmɛtra hian klʋntɔdamli ɩwɩ.

Luka 16:30

Oyin amʋ lɛlɛ mʋ́ ɔnɔ ɔbɛɛ, ‘Anɩ sɩ Abraham, asʋn amʋ nu kɛkɛ mɛ́ɛha amʋ́ abʋdamli klʋntɔ. Mboun nɩ ɔkʋ ɔkʋsʋ tsu afulitɔ yɔ amʋ́ wa a, bɛ́damli klʋntɔ.>

Luka 21:31

Alɩ kɛn, nɩ mlowun ánɩ́ ntobi anfɩ fɛ́ɛ́ ɩdɛ mʋ́tɔ ba a, mlɩbɩá Bulu iwiegyi amʋ ɩlawie woyi ta.

Luka 24:47

Mʋ́ ɔma a, aha bɛ́da Bulu asʋn wanklaan amʋ ɔkan mɩ ɩdatɔ ha ɔmá fɛ́ɛ́ bɛɛ bʋdamli klʋntɔ, fɛ́kɩ Bulu obési amʋ́ lakpan kie amʋ́. Béfi mʋ́ asɩ tsu Yerusalem.

Luka 6:20

Yesu lotsu ansɩ kɩ mʋ akasɩpʋ, ɔlɛbla amʋ́ ɔbɛɛ, “Bulu layula mlɩá mlɩmá tɔtɔ, tsufɛ mlɩbʋ mʋ iwiegyi amʋ nɩ.

Luka 9:2

Ɔlɔwa amʋ́ ɔbɛɛ, bʋyɛda Bulu iwiegyi amʋ ɔkan, abʋtsa alɔpʋ.

Gyumagyihɛ 11:18

Brɛá sumbi ayɔpʋ amʋ bonu asʋn anfɩ a, besi Petro tɔɩ wa, bɛkanfʋ Bulu bɛɛ, “Mʋmʋ Bulu laha aha ánɩ́ bʋmegyi Yudafɔ ɔkpa ɔbɛɛ, amʋ́ ɛ bʋdamli klʋntɔ, abʋnya nkpa.”

Gyumagyihɛ 17:30

Bɩmbɩ amʋ a, aha bʋmɛbɩ alɩá Bulu gyi. Bulu lobun ansibi mʋ́sʋ, tamɛ sei mʋ́ a, alabla anyankpʋsa fɛ́ɛ́ ɔbɛɛ, bʋdamli klʋntɔ.

Gyumagyihɛ 2:38

Mʋʋ Petro lɛlɛ mʋ́ ɔnɔ ɔbɛɛ, “Mlɩtɔ okugyiɔkʋ ɔdamli klʋntɔ, abɔ mlɩ asu Yesu Kristo ɩdatɔ, mɛnɩ Bulu obési mlɩ lakpan kie mlɩ, ha mlɩ Ɔŋɛ Wankɩhɛ amʋ.

Gyumagyihɛ 20:21

Alɩá nɔtɔɩ kpla Yudafɔ pʋ́ Grikifɔ fɛ́ɛ́ mbɛɛ, bʋsi lakpan bwɛ abʋdamli ba Bulu wa, abʋbɔhɔ anɩ Wie Yesu gyi.

Gyumagyihɛ 26:20

Gyankpapʋ a, nɔyɔ Damasko wulutɔ. Mʋ́ ɔma a, nɔyɔ Yerusalem pʋ́ Yudea ɔmátɔ fɛ́ɛ́. Nɔyɔ aha amʋʋ bʋmegyi Yudafɔ amʋ ɛ wa. Nɛyɛbla amʋ́ mbɛɛ, bʋsi lakpan bwɛ, abʋdamli ba Bulu wa, abʋtsia tsiatɔá ilosuna ánɩ́ badamli klʋntɔ.

Gyumagyihɛ 3:19

Mʋ́ sʋ mlɩdamli klʋntɔ, amlɩyinki ba Bulu wa, mɛnɩ obési mlɩ lakpan fɛ́ɛ́ kie mlɩ, wa mlɩ ɔwʋnlɩn pɔpwɛ,

2 Korintofɔ 7:10

Tsufɛ awɩrɛhɔsuá igyi Bulu apɛ tɔpʋ klʋntɔdamli ba. Ɩtɛha anɩtenya nkpa. Mʋ́ odu bʋ ɔsɩn, tamɛ ɩma ɔsɩn. Ɔyɩtɔ awɩrɛhɔsu mʋ́ a, lowu ɩtɔpʋba.

Kolosefɔ 1:13

Tsufɛ mʋlalɛ anɩ tsu ɔha amʋʋ ɔdɛ oklunsʋ gyi amʋ tumi asɩ, pʋ anɩ ba mʋ Bi ɔdwɛpʋ amʋ iwiegyi amʋtɔ.

2 Timoteo 2:25

Ilehian ánɩ́ obénya klʋn tɔɩ kpla aha ánɩ́ bʋtɔkʋsʋ lɩɩ Bulu asʋn amʋsʋ. Fialɩ Bulu obówun amʋ́ nwɛ, ha amʋ́ bɛ́damli klʋntɔ, bɩ ɔnɔkwalɩ amʋ,

Hebrifɔ 6:1

Mʋ́ sʋ mlɩmátra bɩtɩa anɩ ayabi ya ɔma. Mlɩha akasɩ mʋ́á ɩbɛ́ha anɩ abɔ́yɔ nkpa, asi Kristo ɩwɩ atosunahɛ gyankpapʋ amʋtɔ pla lapla. Mehian ánɩ́ abɛ́tra suna atɔ tsu Bulu-hogyi pʋ́ klʋntɔdamli tsu bwɛhɛá ɩtɛtɩ lowu ɩwɩ,

2 Petro 3:9

Aha bʋkɩ bɛɛ, Bulu tesi tsia tɔá alahɩɛá ɔbɔ́bwɛsʋ. Megyi alɩ igyi, mboun klʋn otenya ha mlɩ; mɛnɩ ɔhagyiɔha ɔbɛ́damli klʋntɔ si lakpan bwɛ, tsufɛ omedekleá ɔhaa ɔbɔ́fwɩ.

Atɔ Lɛsunahɛ 2:21

Nakɩ mʋ ansɩtɔ ánɩ́ ɔbɛ́damli klʋntɔ bobuo Bulu, tamɛ omedekleá obési mbʋatɔ.

Atɔ Lɛsunahɛ 2:5

Mʋ́ sʋ kaɩn alɩá tɛkɩ fʋgyi asa fadɩda. Damli klʋntɔ, afʋlatsia fʋ atsiabi. Nɩ megyi alɩ a, nɛ́ba bɛlɛ fʋ ɔkandɩɛ-oyi amʋ lɛ mʋ́ aba ɔpasua atrahɛ amʋtɔ.