Marko 7:4 - Bulu Ntam Pɔpwɛ mʋ́a Israel Ɩlʋ

⁴ Alɩ kɛn nɩ bʋmɔkʋgyʋra ɩwɩ a, bʋtamagyi tɔá bɔpʋtsua biasʋ ba nɩ. Amandɩɛ bamba kʋ aná ɛ bʋ ɩnʋ, bʋtra bʋdɛ mʋ́tɔ tsu nwɛ-nun-ntsu, nlɔ́ pʋ́ nlanka ɩwɩ.)

Marko 7:4 Iomraidhean Croise

Hebrifɔ 9:10

Tsufɛ ntobiá igyi atogyihɛ, atonunhɛ pʋ́ amandɩɛá nyankpʋsa tɔpʋgyʋra ɩwɩ kɛkɛ mbla amʋ losuna. Bulu lɔbwɛ mbla amʋ fɛ́ɛ́ ha nyankpʋsa, ánɩ́ ɔkɩta mʋ́tɔ bɔfʋn brɛ anfɩ alabwɛ ɔkpa pɔpwɛá bɔ́pʋbwɛ mʋ́ anfɩ, anɩmɛ́ɛtra bwɛ dada amʋ.

Mateo 23:25

“Mlɩ Farisifɔ pʋ́ Mose mbla asunapʋ, apinabwɛbi abwɛpʋ, mlɩgyɔwɩ nɩ. Tsufɛ mlɩtɔfwɩ mlɩ nwɛ pʋ́ mlɩ nlɛpɛ ɔma wanklaan, tamɛ atɔá mlɩlapʋ owi mʋ́a ɔnsɩpɛ swɩɩ aha sɔɔn bʋ mʋ́tɔ.

Yakobo 4:8

Mlɩkpʋkpɛ manta Bulu, Bulu ɛ ɔbɔ́kpʋkpɛ manta mlɩ. Lakpan abwɛpʋ, mlɩfwɩ ɩbɩ lɛ lakpanbwɛtɔ. Aha ánɩ́ mlɩ agywɩɩn igyi anyɔ, mlɩha mlɩ klʋntɔ ɩtɩn.

Yohane 2:6

Yudafɔ bʋtɔfwɩ ɩwɩ amʋ́ amandɩɛ ɔkpasʋ. Mʋ́ sʋ bɔpʋ awʋndɩ akpɔnkpɔɔnkpɔntɩ asie yaɩ woyi amʋtɔ.

1 Yohane 1:7

Tamɛ nɩ anɩna wankɩ amʋtɔ, fɛ alɩá mʋ onuto ɔna a, ɩkʋlɛbwɛ bʋ anɩa anɩ aba nsɩnɛ. Mʋ́ sʋ mʋ Bi Yesu Kristo obugya amʋ tɛtɩn anɩ ɩwɩ tsu anɩ lakpantɔ.

Mateo 27:24

Brɛá Pilato lowun ánɩ́ alabwɛ kasian, kpokiti mboun dekle ɩda ɩnʋ a, olotsu ntsu fwɩ ɩbɩ amʋ́ ansɩtɔ ɩnʋ, bla amʋ́ ɔbɛɛ, “Mɩ ɩbɩ anyɔ ɩma oyin anfɩ lowutɔ. Mlɩ asʋn igyi.”

Israelfɔ Ɩlʋ 26:6

Nana Bulu, ntɔfwɩ ɩbɩ pʋsuna ánɩ́ lalahɛ kʋkʋ ma mɩ ɩwɩ, asa ntɛba bobomli fʋ afɔdɩɛ-ɔswɩ,

Yohane 3:25

Ɩwɩgyʋra ɩwɩ nwɛngyi kʋ lɛba Yohane akasɩpʋ pʋ́ Yudayin ɔkʋ nsɩnɛ.

Mateo 23:26

Farisifɔ ansibi abwiepʋ, mlɩgyankpa fwɩ nwɛ mʋ́a nlɛpɛ amʋtɔ, mʋ́ ɔma ɛ bɛ́tɩn.

Marko 7:8

“Mlɩlasi Bulu mbla amʋ tswɩ, mlɩdɛ mlɩ anain amandɩɛtɔ.”