Luka 4:2 - Bulu Ntam Pɔpwɛ mʋ́a Israel Ɩlʋ

² Brɛá ɔbʋ ɩnʋ a, Ɔbʋnsam letsia bɔsɔ mʋ kɩ nkɛ adʋana kɛkɛ. Yesu megyi tɔtɔ nkɛ amʋtɔ fɛ́ɛ́. Mʋ́ sʋ brɛá nkɛ amʋ ɩlɔmɔ ɔnɔ a, akʋn hɩɛ dɛ mʋ.

Luka 4:2 Iomraidhean Croise

Mateo 21:18

Ɔyɩ kɛhɛ nyankɩ, brɛá Yesu leyinki ɔba Yerusalem a, akʋn dɛ mʋ.

Mateo 4:2

Oletsia ɩnʋ klɩ ɔnɔ ɔyɩkɛhɛ mʋ́a onye adʋana (40). Mʋ́ sʋ akʋn lɛhɩɛ kɩta mʋ.

Luka 4:3

Ɩnʋ Ɔbʋnsam lɛbla mʋ ɔbɛɛ, “Nɩ Bulu mʋ Bi fʋgyi a, mʋmʋ ha ibwi anfɩ ɩdamli bodobodo.”

Yohane 4:6

Ɩnʋ Yakob ibun bʋ nɩ. Ɔkpa amʋ bʋ ɩfɔ. Mʋ́ sʋ Yesu lotsutsua obowie ɩnʋ a, ɩlapian mʋ. Mʋ́ sʋ oletsia ibun amʋ asɩ. Alɩ brɛ amʋtɔ a, ɩlabwɛ fɛ ɔpawisʋ.

Hebrifɔ 2:18

Bɔsɔ mʋ kɩ, mʋ onuto ɛ ɔlɔtsʋn ɩwɩɔsɩntɔ. Mʋ́ sʋ ɔbɛ́talɩ gyi aha ánɩ́ bʋtɔsɔ amʋ́ kɩ ɛ bʋalɛ.

Hebrifɔ 4:15

Tsufɛ mʋ mʋ́ omegyi ɔha ánɩ́ omóonu anɩ asɩ nɩ anɩmɛtalɩ gyi ɩwɩsʋ. Ogyi ɔha ánɩ́ bɔsɔ mʋ kɩ ɔkpagyiɔkpasʋ fɛ anɩ, tamɛ ɔmɔbwɛ lakpan ɛkɛkɛɛkɛ.