6 Ndɛ Bulu kokoli mbɛɛ, ɔha afʋtalɩ bla aha fʋ hogyi ɩwɩ asʋn, mɛnɩ ɩbɛ́ha fónu ɩtɔ wanklaan ánɩ́ anɩlanya Kristo-buotɔ asɩ.
Osumpʋ amʋʋ olenya akɛntɛ anu amʋ lɔwa ɔsa pʋ kɔba amʋ fi ibiagyi asɩ. Mʋ́ sʋ ɩmɔwa ɔpá kʋkʋ, olenya akɛntɛ anu dɩnka mʋ́sʋ.
Mʋ́ sʋ mlɩha mlɩ bwɛhɛ ɩwankɩ alɩ, mɛnɩ aha bówun mlɩ bwɛhɛ wanklaan amʋ, fówun bɛkanfʋ mlɩ Sɩ amʋʋ ɔbʋ ɔsʋsʋ amʋ.
Ɩbɛ́ha amʋ́ klʋntɔ asʋn bɛ́lɩn ɔwan. Bɛ́da akpawunu, kanfʋ Bulu bɛɛ, “Lɛlɛ, Bulu bʋ mlɩtɔ.”
Tsufɛ ɔkpa kpɔnkpɔntɩ lafinki ha mɩá nɔ́yɔ agyʋma ánɩ́ ɩbɔ́wa labi. Ɩbʋ mʋ́tɔá mɩ alupʋ tsɔtsɔɔtsɔ bʋbʋ nfɩ mʋ́.
Ɩtrahɛ a, mɩ apio, mlɩpʋ mlɩ agywɩɩn dɩnka tɔá igyi ɔnɔkwalɩ, tɔá ɩbɛ́tɩ obú, tɔá ɩda ɔkpa, tɔá mʋ́ ɩwɩ lɛtɩn, tɔá itegyi aha ansɩ pʋ́ tɔá aha bɛ́kanfʋsʋ. Mlɩgywɩɩn tɔá ɩbʋ alɛ, aha bʋtɛkanfʋ aná ɩwɩ.
Mʋ́ sʋ anɩmɔkʋsi mpaɩ bɔ mlɩ nwunsʋ tsu ɛkɛá anɩlonu mlɩ ɩwɩ asʋn anfɩ. Anɩdɛ Bulu kokoli anɩaa, ɔha amlɩbɩ mʋ apɛ kugyikʋ wanklaan. Ɔha mʋ Ɔŋɛ Wankɩhɛ amʋ ɔha mlɩ nyansa mʋ́a asʋn-asɩnu fɛ́ɛ́,
Mlɩlalatsu tsiatɔ pɔpwɛ. Bulu gyi mʋ́ Ɔbwɛpʋ, ɔdɛ mʋ́ bwɛ pɔpwɛ lɩan mʋ ɩwɩ brɛ anfɩ mlɩdɛ mʋ bɩ anfɩ.
Ha anɩ pɩ amʋ ɛ abʋbɩ alɩá bʋtɔbʋa aba agyʋma yɔ wanklaan, mɛnɩ bɛ́talɩ kɩ aha ánɩ́ bʋma tɔtɔsʋ. Fówun bʋmɔ́ɔbwɛ aha ánɩ́ amʋ́ ɩwɩ mɔwa labi.
Tsufɛ tɔá ɩda ɔkpa Bulu tɔbwɛ. Ɔmɛ́ɛtan mlɩ gyumagyihɛ pʋ́ ɔdwɛá mlɩlalɛ suna mʋ tsu mʋ ahatsatɔ, mlɩtra mlɩbʋ mʋ́sʋ.
Apio aba, nɩ ɔkʋ ɔbɛɛ, mɔhɔ Bulu gyi, tamɛ mʋ bwɛhɛ mosuna alɩ a, labi mɔmʋ mʋ hogyi amʋ bʋ? Mʋ́ odu ɩbɛ́talɩ ha mʋ ɔkla obénya nkpa?
Alɩ hogyi igyi nɩ. Hogyi oduá yilebwɛ ha fʋ ba ɩma mʋ́tɔ a, igyi hogyi wuhɛ.
Ɩnɩá mlɩa ɔmátɔfɔ tsie sʋ a, mlɩtsia tsiatɔ wanklaan, mɛnɩ nɩ bʋdɛblɩ bɛɛ mlɩ tsiatɔ ɩma alɛ a, bówun mlɩ yilebwɛ. Fówun bɛ́kanfʋ Bulu ɛkɛ amʋʋ ɔbɛ́ba bɛkɩ amʋ́ gyumagyihɛ amʋ.
Atsɩ, mlɩbu mlɩ aklu alɩ kɛn, mɛnɩ nɩ amʋ́tɔ akʋ bʋmɔhɔ Bulu asʋnsʋ gyi kʋraa, bowun mlɩ tsiatɔ a, ɩbɛ́tsɛ amʋ́, megyi mlɩ obétepi tra bla amʋ́ asʋansʋ.
Mlɩ klʋn máha mlɩ pɔn tɔtɔ ɩwɩ, mɛnɩ nɩ bʋdɛ asʋn lalahɛ blɩ tsu mlɩ tsiatɔ wanklaan amʋʋ mlɩlɔpʋ mlɩbuo Kristo amʋ ɩwɩ a, pɛlɩ bɛ́kɩta amʋ́.
Nɩ ɩnɩ aná dɛdan mlɩtɔ a, ibósuna ánɩ́ mlɩlabɩ anɩ Wie Yesu Kristo. Mʋ bɩ amʋ desuna ánɩ́ mlɩlawa labi, swie abi nɩ.