Efesofɔ 4:3 - Bulu Ntam Pɔpwɛ mʋ́a Israel Ɩlʋ

³ Ɔŋɛ Wankɩhɛ amʋ laha mlɩlabwɛ kʋlɛ. Mʋ́ sʋ mlɩbɔ mbɔdɩ amlɩtsia iwilwiitɔ, mɛnɩ ɩkʋlɛbwɛ amʋ ibétsia mlɩtɔ yɔ.

Efesofɔ 4:3 Iomraidhean Croise

Marko 3:24

Iwie ogyikpa ánɩ́ ɩlaye anyɔ, bʋdɛ aba kɔ ɩbɛ́dɩda.

Yohane 13:34

Mbla pɔpwɛ ndɛwa ha mlɩ mbɛɛ, mlɩdwɛ aba. Alɩ amʋʋ nɔdwɛ mlɩ amʋ a, alɩ kɛn mlɩpʋ ɔdwɛ amʋ dwɛ mlɩ aba nɩ.

1 Korintofɔ 1:10

Apio, nɔpʋ anɩ Wie Yesu Kristo kokoli mlɩ ánɩ́ mlɩ fɛ́ɛ́ mlɩbwɛ kʋlɛ, mɛnɩ mlɩmɛ́ɛdasaɩn. Mlɩha mlɩ agywɩɩn ɩbwɛ kʋlɛ mlɩ asʋn blɩhɛ kugyikʋtɔ.

2 Korintofɔ 13:11

Apio, ɩtrahɛ a, ansɩ igyi mlɩ. Mlɩbɔ mbɔdɩ amlɩlɩɩ kinkiinkin, amlɩdan Kristo hogyitɔ. Mlɩwa aba ɔwʋnlɩn. Mlɩ agywɩɩn ɩbwɛ kʋlɛ, amlɩtsia iwilwiitɔ, mɛnɩ Bulu amʋʋ ɔtɔdwɛ anɩ, ɔtɛha anɩ iwilwii amʋ obétsia mlɩtɔ brɛ fɛ́ɛ́. Nɛha mlɩ itsia gyagyagya.

Efesofɔ 4:13

mɛnɩ anɩ fɛ́ɛ́ abɔ́bwɛ kʋlɛ hogyitɔ, bɩ Bulu mʋ Bi amʋ. Fówun abɛ́dan, fʋn ɔkpagyiɔkpasʋ fɛ Kristo.

Efesofɔ 4:4

Ɔyʋlʋ kʋlɛ ɩwɩ ntobi anɩ fɛ́ɛ́ anɩgyi. Ɔŋɛ Wankɩhɛ kʋlɛ pɛ bʋ ɩnʋ. Alɩ kɛn Bulu lɛlɛ anɩ fɛ́ɛ́ ɔbɛɛ, abɛ́kɩ toku kʋlɛ pɛ ɔkpa nɩ.

1 Tesalonikafɔ 5:13

Gyʋma amʋʋ bʋdegyi amʋ sʋ mlɩhɩɛ bu amʋ́, amlɩdwɛ amʋ́. Iwilwii itsia mlɩa mlɩ aba nsɩnɛ.

Hebrifɔ 12:14

Mlɩbɔ mbɔdɩ amlɩha iwilwii itsia mlɩa ɔhagyiɔha nsɩnɛ. Mlɩtsia nkpa ánɩ́ mʋ́ ɩwɩ lɛtɩn, tsufɛ ɔha ánɩ́ mʋ ɩwɩ mɛtɩn móowun anɩ Wie.