Efesofɔ 2:3 - Bulu Ntam Pɔpwɛ mʋ́a Israel Ɩlʋ

³ Lɛlɛ mʋ́ a, anɩ fɛ́ɛ́ anɩletsia amʋ́ atsiabi, bwɛ lalahɛá anɩ ɔwɔlɩ lekle. Anɩlobuo tɔá anɩ ɔyʋlʋ pʋ́ anɩ agywɩɩn letsia suna anɩ. Tsiatɔ anfɩ sʋ tɛkɩ Bulu ɔbɛ́bɩtɩ anɩ ɩsʋ fɛ aha atrahɛ nɩ.

Efesofɔ 2:3 Iomraidhean Croise

Israelfɔ Ɩlʋ 51:5

Negyi ɩpɔn brɛá bɔkwɩɩ mɩ. Brɛá mɩ yin dɛ mɩ ɔmɛ kʋraa a, lakpan ɔbwɛpʋ ngyi.

Marko 4:19

tamɛ ɔyɩ anfɩtɔ atohianhɛ ɩwɩ gywɩɩn, pʋ mʋ́tɔ atonyahɛ ɩwɩ ɔnsɩpɛ tegyi asʋn amʋsʋ. Ɩnɩ sʋ bʋtamaswie abi.

Yohane 1:13

Amʋ́ Bulu abi bwɛ motsu otuntufla, ntɛ nyankpʋsa apɛbwɛtɔ, ntɛ oyin ɔwɔlɩ ɔkpasʋ. Mboun Bulu onuto lɔbwɛ amʋ́ mʋ abi.

Yohane 8:44

Ɔbʋnsam gyi mlɩ sɩ. Mʋ́ sʋ mlɩtekleá mlɔ́bwɛ tɔá mlɩ sɩ tekle. Aha ɔmɔpʋ ogyi tsu nfiasɩ. Ɔtamabuo ɔnɔkwalɩ. Mʋ́ sʋ ɔnɔkwalɩ kʋkʋ ɩma mʋtɔ. Nɩ ɔwa afunu a, mʋ tsiatɔ ɔwan ɔdɛlɛ, tsufɛ ofunupʋ ogyi. Mʋgyi afunupʋ fɛ́ɛ́ ɔsɩ nɩ.

Gyumagyihɛ 14:16

Bɩmbɩ amʋ a, olesi ɔkpa ha ɔmágyiɔmá ánɩ́ bʋbwɛ tɔá bʋdekle.

Romafɔ 1:24

Ɩnɩ sʋ Bulu ladamli ɔma ha amʋ́, basi bʋdɛ atɔ lalahɛá bʋdekle tsu amʋ́ klʋntɔ bwɛ. Amʋ́a amʋ́ aba bʋdɛ ɩwɩ sʋpa.

Romafɔ 11:30

Brɛ kʋtɔ a, mlɩ anfɩ mlɩmegyi Yudafɔ anfɩ mlɩmobu Bulu. Tamɛ sei a, Yudafɔ bʋmɛdɛ Bulu bu. Mʋ́ sʋ Bulu lawun mlɩ nwɛ.

Romafɔ 13:14

Mboun mlɩpʋ anɩ Wie Yesu Kristo tin mlɩ ɩwɩ. Mlɩmátra tsia tsiatɔ dada amʋʋ mlɩ ɔwɔlɩ lalahɛ tekle amʋ.

Romafɔ 2:14

Ɩbʋ mʋ́tɔá aha amʋʋ bʋmegyi Yudafɔ bʋmeyin Mose Mbla amʋ. Tamɛ nɩ amʋ́ onuto bʋdɛ mbla amʋsʋ gyi a, bʋdesuna ánɩ́ bʋyin yile mʋ́a lalahɛ amʋ́ klʋntɔ.

Romafɔ 5:10

Tɛkɩ Bulu alupʋ anɩgyi. Tamɛ tsʋn mʋ Bi amʋ lowusʋ a, alabwɛ anɩ mʋ anyawie klakla. Ɩnɩá anɩlabwɛ mʋ anyawie sʋ a, ɔbɔ́hɔ anɩ nkpa kokooko. Tsufɛ Kristo ɛ bʋ nkpa.

Romafɔ 5:9

Ɩna Yesu Kristo obugya amʋʋ ɩlɔwʋlɩ asɩ amʋsʋ Bulu lesi anɩ lakpan kie anɩ, tsu anɩ ánɩ́ anɩ asʋn da ɔkpa. Kristo sʋ ɔbɛ́lɛ anɩ kokooko. Ɔmɛ́ɛbɩtɩ anɩ ɩsʋ lakpan abwɛpʋ ɩsʋ-ɔbɩtɩkɛ amʋ.

Romafɔ 6:12

Ɩnɩ sʋ mlɩmáha lakpan igyi mlɩ nyankpʋsa-oyi anfɩ ibówu anfɩsʋ, mɛnɩ ɩmɛ́ɛha ɔwɔlɩ lalahɛ igyi mlɩsʋ, amlɩbwɛ tɔá idekle.

Romafɔ 7:18

Nyin ánɩ́ brɛ anfɩ mbʋ mɩ tsiatɔ dada anfɩtɔ a, ɩtɔ wanklaan kʋkʋ ma mɩtɔ, tsufɛ nyankpʋsa ngyi. Ntekleá nɔ́bwɛ yile, tamɛ nakasian.

Romafɔ 9:22

Alɩ kɛn igyi ha Bulu nɩ. Ɔbʋ ɔkpa lɛ mʋ ɔblɔ suna, mɛnɩ aha bówun mʋ tumi. Tamɛ ɔlɛhɩɛ nya klʋn ha aha amʋʋ olenya ɔblɔ amʋ́sʋ amʋ. Tɛkɩ ɩlɔfʋn ánɩ́ ɔbɛ́hɩ amʋ́.

1 Korintofɔ 4:7

Ma lɛbla fʋ ɔbɛɛ, fʋdʋn ɔkʋ? Ntɔ fʋbʋá imegyi Bulu lɛha fʋ? Nɩ Bulu lɛha fʋ togyitɔ a, ntogyi sʋ fʋdɛ ɩwɩ tsu fɛ megyi ha bɛha fʋ?

2 Korintofɔ 7:1

Mɩ apio adwɛpʋ, Bulu lahɩɛ ntobiá igyi alɩ yaɩ anɩ. Mʋ́ sʋ mlɩha afwɩ ɩbɩ lɛ togyitɔá ɩbɔ́kpɔɩ anɩ ɔyʋlʋ pʋ́ anɩ ɔkla fɛ́ɛ́tɔ. Mlɩha anya Bulu ifu, mɛnɩ ɩbɛ́ha anɩ ɩwɩ bɛtɩn, ifin kʋkʋ mɛ́ɛtra tsia anɩ ɩwɩ.

Galatiafɔ 3:22

Tamɛ Bulu asʋn wanlɩnhɛ amʋ ɩlɛblɩá lakpan lagyi ɔyɩtɔ aha fɛ́ɛ́sʋ plɩplɩplɩplɩ. Mʋ́ sʋ atɔ amʋʋ Bulu lɛhɩɛ yaɩ amʋ igyi Kristo ahogyipʋ klɛ.

Efesofɔ 2:2

Alɩ brɛ amʋtɔ a, mlɩletsia ɔmátɔfɔ atsiabi. Mlɩlobuo ɔŋɛ lalahɛ fɛ́ɛ́ owie Ɔbʋnsam. Mʋgyi ɔŋɛ lalahɛá ɩdɛ agyʋma yɔ aha amʋʋ bʋtamabu Bulu amʋtɔ nɩ.

Efesofɔ 4:22

Mʋ́ sʋ mlɩsi mlɩ tsiatɔ dada amʋʋ mlɩletsia amʋ. Mlɩ ɔwɔlɩ lalahɛ lɛmlɛ mlɩ alɩ brɛ amʋtɔ, ɩlɛha mlɩ tsiatɔ leyinta.

Kolosefɔ 1:21

Tɛkɩ mlɩ ɛ mlɩlɛdamli ɔma ha Bulu, mlɩgyi mʋ alupʋ mlɩ asʋn susuhɛ pʋ́ mlɩ bwɛhɛ lalahɛ sʋ.

1 Tesalonikafɔ 4:13

Apio, anɩdekle anɩaa, mlɩbɩ ɔnɔkwalɩá ɩbʋ Akristofɔá bawu ɩwɩ, mɛnɩ mlɩméetsia gyi awɩrɛhɔ fɛ aha ánɩ́ amʋ́ ansɩ mɛdɩn tɔtɔsʋ.

1 Tesalonikafɔ 5:6

Mʋ́ sʋ mlɩha agyo, anɩmádɩdɩ fɛ aha bamba. Mlɩha adɩnka ansɩ ɩwɩsʋ, akɩ ɩwɩsʋ wanklaan.

1 Timoteo 6:9

Aha ánɩ́ bʋtekleá bʋnya atɔ a, ɩbwɛbwɛbwɛ bʋtɛkpa wie ɩsɔkɩ pʋ́ ayibitɔ. Amʋ́ mimlala tɛkpa amʋ́ yowie ɩwɩɔsɩn mʋ́a lalahɛtɔ, hɩ amʋ́.

Tito 3:3

Tsufɛ brɛ amʋ a, aha mimlahɛ anɩ ɛ anɩgyi. Asʋtɔ lɔwa anɩ ɔnlɩn. Anɩlɔfwɩ, mli nkpábi ha ɔwɔlɩ lalahɛ pʋ́ atɔá ɩtɔwa ɔha ansigyi. Anɩleyinta brɛ susu lalahɛ mʋ́a tɔá ɩdɛ anɩ ansɩ pɛ ɩwɩ. Aha bolu anɩ, anɩ ɛ anɩlolu amʋ́.

1 Petro 1:14

Mlɩbu Bulu fɛ alɩ amʋʋ nyebi bʋtobu amʋ́ akwɩɩpʋ amʋ. Mlɩmáha tsiatɔ lalahɛ amʋʋ iletsia mlɩtɔ brɛ amʋʋ mlɩmeyin tɔtɔ tsu Yesu ɩwɩ amʋ igyi mlɩsʋ.

2 Petro 2:14

Tɔtɔ ɩma amʋ́ ansigyi dʋn mbʋatɔ. Bʋtamasi lalahɛ bwɛ. Bʋtɛmlɛ aha ánɩ́ amʋ́ hogyi mɛlɩɩ tsukʋlɛ, ha bʋtɔbwɛ lakpan. Bahɩɛ bɩ ɔnsɩpɛ wa. Amʋ́ bwɛhɛ lalahɛ anfɩ sʋ bʋgyɔwɩ nɩ!

2 Petro 2:18

Bʋtotsu ɩwɩ, ka ɔnɔtɔ, pʋ amʋ́ ɔwɔlɩ lalahɛ tɩn ɔnɔ, mlɛ aha bʋtɛlabwɛ lakpan ánɩ́ besi bwɛ ɩmɔkʋwa ɔpá.

1 Yohane 2:16

Ɔyɩtɔ atɔ amʋ ɩkʋ gyi, atɔ lalahɛá ɩtɛdɩnka ɔha ɔwɔlɩ; atɔá ɔha towun, ɩtɛdɩnka mʋ ɔwɔlɩ pʋ́ ntobiá ɔha tɔpʋtsu ɩwɩ. Ɩnɩ anfɩ odu kʋkʋʋkʋ imotsu anɩ Sɩ Bulu wa. Ɔyɩ anfɩtɔ itsu.

1 Yohane 2:8

Tamɛ mbla pɔpwɛ igyi. Tsufɛ Kristo tsiatɔ pʋ́ mlɩ klɛ lalɛ mʋ́ suna ánɩ́ mbla pɔpwɛ igyi. Oklun amʋ ɩdɛtsʋn. Wankɩ amʋ onuto ɩdɛwankɩ dodo.