Yoosuwa 8:8 - NABUWWA KEE MALIKWA

⁸ Anu sin amrisaamah tet xabba haytan waqdi, YALLI sin akah amrise innal, gira teetit ruuba» keenik iyye.

Yoosuwa 8:8 Iomraidhean Croise

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

Yoosuwa 1:16

Too waqdi oson Yoosuwak iyyeenimii, «Atu nek inxicca 'tem abennooh, atu nek gexa inte ikke gexenno» iyyen.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yoosuwa 6:24

Tohuk lakal woo magaala kee tet addal sugga 'teemik dahab kee lakqooy nacaas kee birtak bicsen duyye kalihim inkih carariseenih. Too duyyeh tu gactek, bahha heenih YALLAH rikeek haan duyye elle daanisan aracal heen.

Yoosuwa 8:13

Qaskarak mango exxa magaalak elle yinfiddigen aracak kilbat le kabut raaqa aracat qeebi abaana'gidih bical gacen. Raqqa 'ye mariiy Qaay magaalak ayrô-culma le kabut qeebi abuh bical gacen. Yoosuwa woo bar woo dorral elle xiine.

Yoosuwa 8:2

Qaay magaala kee malikik, duma Yerikô-magaala kee tet malikik abba haytem abetto. Tonna'mmay magaalal geytoonu waytan duyye kee saq isinnih haysitetton. A magaala darreek gacca 'teeniih garciik abbixetton» kaak iyye.

Yoosuwa 8:22

Too waqdi woo Israayil maray magaala yibbixeh suge qeebit yengeleeh; tonna leemiik Israayil mari inkitanuuk marot ken hayya heeh sella ken hee.

Yoosuwa 8:28

Yoosuwa woo magaalat gira ruubeeh abur tet abe. Too arac uxih a saaku fan abuuruh yan.

Yoosuwa 8:7

Too waqdi isin edde tombooqoren aracak eweqqa 'teenih Qaay magaala abbixetton. YALLAY sin Dageltah yanihiyya a magaala siinih aceele.

Yoosuwa 8:9

Tohuk lakal Yoosuwa ken ruubeeh; osonuuy edde yambooqoroonu waan arac fan gexeeniih, tokkel Qaay magaalak ayrô-culma le kabul Qaay kee Beetalak fanal sasot sugen. Yoosuwa woo bar woo elle yinfiddigen aracal elle xiine.

Makaabon 4:6

Ayrok teena Abinqám-Barak deqsita numuy Naftaali deqsitta baaxol tan Kedes deqsitta magaalal guubuh yenehiyyah farmo rubte. Farmoh kaak inteemih, «YALLAY Israayil doore Dagelta kinnihiyya amri kol oobiseh kok iyyeemih, ‹Naftaali kee Dablonuk tabna alfi yakke mara baahay Taabor qale fan ken bey.