Yoosuwa 8:1 - NABUWWA KEE MALIKWA

¹ Tohuk lakal YALLI Yoosuwak iyyemii, «Tikka 'ta qaskar gabat haay, woo Qaay fan gex. Mameysitinay niya kok baxaqe waytay, Qaay magaalah malik kee woo magaalal tan ummattak qeebih koo aysiiseyyo. Woo magaala kee baaxo sinim abeyyo.

Yoosuwa 8:1 Iomraidhean Croise

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Ermiyaas 46:27

«Yaqkuub xayloy, yi naqoosay, mameysitina. Israayil ummatey, niya siinik addigille waytay. Ama xer baaxoy elle taniinik sin ayyaaqeyyo. Casbi gurral elle tanin baaxok siinik radu waa mara ayyaaqeyyo. Isinni baaxo aduurettoonuuh, amaanah sin xiiniseyyo. Num sin maxagaay sin mameysiisa.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yoosuwa 10:7

Toh yoobbe waqdi Yoosuwaa, dooren qaskar kee raqqa 'te qaskar inkih luk gexe.

Yoosuwa 10:8

Too waqdi YALLI Yoosuwak iyyemii, «Anu nasri koh aceeh ani'mmay, keenik mameysitin. Keenik num kot makoysitak» kaak iyye.

Yoosuwa 2:24

Sarrak iyyeenimih, «YALLI a baaxo inkih neh yeceem digga le. Macaay intek, wokkel enna 'ya mari inkih meysih bux nek haak raaqe» iyyen.

Yoosuwa 6:2

YALLI Yoosuwak iyyemii, «Anu Yerikô-magaalaay tet malik kee teetil enna 'ta agiirah tan qaskar ku gabal heeyyo.

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.