Yoosuwa 7:5 - NABUWWA KEE MALIKWA

⁵ Qaay mari magaalah afak keenit aben ardat boodooda elle tan arac fan ken baaheeniih; qaleek ayradduk ken elle oobisen ikkel, soddom kee lica num keenik qiden. Sarrak Israayil marak niya raddeeh, meysi ken tibbixe.

Yoosuwa 7:5 Iomraidhean Croise

Yasaqya 13:7

Too ayro kulli numih gaba axaxiteleeh, kulli numuk niya addigillele.

Yacedkel 21:7

‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.

Yoosuwa 2:11

Woh noobbe waqdi meysih afqado nel dub inte. YALLAY sin Dagelta kinnihiyya qaran kee baaxo inkih xiinisam aaxigeh.

Yoosuwa 2:9

annah keenik inte. «YALLI a baaxo siinih yeceem aaxigeeh; kulli num sin meysih raba.

Yoosuwa 5:1

Tikki 'ya Amoorah yooboke maray Ordonuk ayrô-culma le kabut raaqahiyya kee, Kanqaan amoytittey Maditraaniyah badih dariifal tanihiyya takkeemiik YALLI Ordon weeqaytu Israayil mari akak tabam fanah kafsem yoobben. Tohuk gexxaamah kaxxa meysi ken tibbixeeh, niya keenik radde.