Yoosuwa 16:5 - NABUWWA KEE MALIKWA

⁵ Takkay immay a namma kedoh elle kuren inni ah kaana. Efrayim-kedoh yeceen baaxo ah teeti. Gabbi-qaxat raaqa cuduud keenik Qataarot-Addar deqsitta magaalak Daga-raqta-Beet-Coron deqsitta magaala fan gacca 'yaah;

Yoosuwa 16:5 Iomraidhean Croise

2 Samuwel 2:9

Tokkel Abner, Gilqad kee Aaser kee Yidraqel kee Efrayim kee Benyam rasu kee inkih yan Israayilik malik kaa abe.

1 Aydaad 7:24

Efrayim kaadu Seera deqsitta baxá xale. Is Daga-raqta-Beet-Coron kee, Guba-raqta-Beet-Coron kee Udden-Seera deqsitta magaalooli xisse.

1 Aydaad 7:28

Efrayim kedo elle gactem, Beetal-magaala kee tet dariifal sugte gaandoodiy ayrô-mawqa le kabul ten Naqranak xabba haanamaay ayrô-culma le kabul ten Geser kee tet dariifal sugte gaandoodih amma 'yaanam fan takkehiyya kee, tonnah kaadu, Seekem kee tet dariifal sugte gaandoodik xabba haanamaay Qayya kee tet dariifal sugte gaandoodih amma 'yaanam takke baaxok ten.

Yacedkel 48:5

Efrayim tonnah, ayrô-mawqak xabba haanamaay ayrô-culmah amma 'yaanam, Manasse lih cuduuduh elle yangale baaxo haysitele.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

Yoosuwa 16:2

Beetal deqsitta magaalaak bacakkuh Luud deqsitta magaala fanah gexaah; wokkek cuduud keenik bisoh tabba 'yaah Qataarot-Addar deqsitta magaalay Qarka deqsita mari elle yanihiyya fan maada.

Yoosuwa 18:13

Tokkeek cuduud keenik Luud deqsitta magaalay a saaku Beetal deqsittahiyyak gabbi-qaxal tan ullullu fan guffa haa. Tokkeek Qataarot-Addar deqsitta magaala fan gufa. Too magaala elle tanim, Guba-raqta-Beet-Coron deqsitta magaalak gabbi-qaxat raqta qaleh amo.