Yoosuwa 16:3 - NABUWWA KEE MALIKWA

³ Tokkeek gabbi-qaxal yan cuduud keenik Yafleeti deqsita mari elle yan baaxok ayrô-culma le kabut raqta baaxok Guba-raqta-Beet-Coron deqsitta magaala fan gacca 'yaah Geser deqsitta magaala gufa. Wokkek bisoh tabba 'yaah Maditraaniyah Badat yaadee.

Yoosuwa 16:3 Iomraidhean Croise

1 Aydaad 20:4

Sarrî-dabaanal Filistiin kee ken fanal qeebi qagte. Qeebi elle qagtem, Geser deqsitta magaalak ten. Too qeebil Sibkay deqsita numuy Cuusâ-magaalal yoobokehiyya, migaaqah Siffay akak iyyan numuy kaxxa masu luk yenehiyya qide. Tonnal Israayil-mari qeebil Filistiin-marak yeyse.

1 Aydaad 7:24

Efrayim kaadu Seera deqsitta baxá xale. Is Daga-raqta-Beet-Coron kee, Guba-raqta-Beet-Coron kee Udden-Seera deqsitta magaalooli xisse.

1 Aydaad 7:28

Efrayim kedo elle gactem, Beetal-magaala kee tet dariifal sugte gaandoodiy ayrô-mawqa le kabul ten Naqranak xabba haanamaay ayrô-culma le kabul ten Geser kee tet dariifal sugte gaandoodih amma 'yaanam fan takkehiyya kee, tonnah kaadu, Seekem kee tet dariifal sugte gaandoodik xabba haanamaay Qayya kee tet dariifal sugte gaandoodih amma 'yaanam takke baaxok ten.

2 Aydaad 8:5

Tohuk kalah Suleeman Daga-raqta-Beet-Coron kee, Guba-raqta-Beet-Coron deqsitta namma magaala nammeyhaak bicseeh; maroh ten gasoosa kee, woo gasoosat magaala akak culan afoofay faxan way fakaanaah faxan way alfaanahiyya bicse.

Yoosuwa 10:33

Geser malikiy migaaqah Hooram deqsitak yenehiyya Laakis magaalah marih catoh yemeete. Takkay immay kaa kee kay qaskarak kaadu qeebih yeyseenih, num keenik nuwwuk macabinnoonuy inkih ken qiden.

Yoosuwa 18:13

Tokkeek cuduud keenik Luud deqsitta magaalay a saaku Beetal deqsittahiyyak gabbi-qaxal tan ullullu fan guffa haa. Tokkeek Qataarot-Addar deqsitta magaala fan gufa. Too magaala elle tanim, Guba-raqta-Beet-Coron deqsitta magaalak gabbi-qaxat raqta qaleh amo.

1 Samuwel 13:18

Aki mari Beet-Coron fan gexen. Aki exxa kaadu Xiboyim-golo kee woo bacarih tan baaxo akak yablen ikke fan gexen.