Yoosuwa 12:3 - NABUWWA KEE MALIKWA

³ Cuduud kaak Ordon weeqaytuk Galiil badak xabba haanamaay gabbi-qaxak Rabe Bad deqsita bad fanah gufak yen. Tohuk kalah Rabe Bad deqsita badak ayrô-mawqa le kabut raqta baaxok Beet-Yasimot deqsitta magaala kee Fisgâ qale deqsitta qaleh fanal enna 'ta baaxo inkih kay baaxot raaqak ten.

Yoosuwa 12:3 Iomraidhean Croise

1 Malikwa 15:20

Malik Banihadad too yab oggoleeh; sarrak Israayil magaalooli yabbixeeni'gidih, qaskar abbobti kee qaskar kaah ruube. Too qaskar Qiyon kee Daan kee Aabil-Beet-Maqka kee, Galiil badih dariifal ten magaalooli kee, Naftaali rakaakay inkih yibbixen.

Yacedkel 25:9

Mooyab rasih cuduudul tan magaaloolik, ken rasih dacayrih tan Beet-Yasimot kee Baal-Maqon kee Kiryatayim deqsitta magaalooliy timixxigehiyyah agantah, akah tantixibbixe innah abeyyo.

Yoosuwa 11:2

tonnah kaadu, kilbat le kabuk woo qaleelah tan baaxol malikwah yen mara kee, Galiil deqsita badak gabbi qaxak Ordon weeqaytih qaxat raqta baaxoh malikwa kee, mango koomaami le baaxo kee Door deqsitta magaalah xaqul tan baaxoy baddi afal tanihiyyah malikwah inkih farmo ruube.

Yoosuwa 13:20

Beet-Faqor kee inkih tan Fisgâ-qale kee, Beet-Yasimot deqsitta magaalah agantah keenih yecee.

Yoosuwa 15:2

Gabbi-qaxat cuduud edde aadayuk yenem, Rabe Bad deqsita badak gabbi-qaxa raqta exxa.

Yoosuwa 15:5

Ayrô-mawqa le kabuk cuduud keenik Rabe badah yen. Kilbat le kabuk cuduud keenik akah qimbisem, Ordon weeqayti Rabe Badal edde yaade ikke.

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.