Yoonas 4:8 - NABUWWA KEE MALIKWA

⁸ Ayro laqte waqdi, Yalli ayrô-mawqa le kabuk laqin caacay ruubeeh; Yoonas ayrô-dahan kaxxam kaa biyaakeemih sabbatah damaysiteh. Tohih sabbatah isi bagul, ahak rabam yoh aysuk ten, iyyeeh, «Aniimik rabam yoh tayse» 'yaanam afak kaak tewqe.

Yoonas 4:8 Iomraidhean Croise

1 Malikwa 19:4

Eliyyas inkih tan ayro bacarih tan baaxot ankalaquk assa 'yeh, sarrak uli caxay silal lehiyyah gubal daffa 'ye. Isi niyat «Ahak rabam yoh aysuk ten» 'yaanam iyye. Too waqdi dooqa abeeh, «YALLAW, ah duudaanam hinna. Yi abbobtiy yok duma sugtek ayse waak, rooci yok eyyeq» iyye.

1 Malikwa 21:4

Acab too waqdi Nabot kaak iyyeemih naqabu kee danni luk buxa fan gexe. Gidaarat foocah gacca 'yeh qarkaytok bagul qaxah gace. Maaqo kaah baahen waqdi, wonnah yufkuneeh maaqo akme cineh.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yacedkel 19:12

Yallak naqabuk gexxaamah, bagcarritak suge mari buxuxuk sibba tet heeniih; wonnah baaxot tet qideeni. Bacarih yan rasih kabuk amaatuk sugeh yan caacay xaylo teetik kafissa hee. Tet ludway maqar luk tene bututtukku teetik inte; kafteeh girâ-boco tekke.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Yoonas 1:17

Yoonas badat qiden waqdi YALLI kaxxa kulluntak, «Yoonas unxuq» 'yaanam iyyeeh, woo kullunti kaa yunxuqeeh; kullunti bagih addat sidiica ayro kee sidiica bar suge.

Yoonas 1:4

Too waqdi YALLI badal kaxxa caacay ruubeeh, baddi sabo doonik aggile raarte.

Yoonas 4:3

YALLAW, ahaksa rabay yoo inxic; aniimik rabam yoh taysek» iyye.

Yoonas 4:9

Too waqdi Yalli annah kaak iyye: «Atu a caxat tekkem tanqibeemih cakki maay lito?» kaak iyye. Yoonas Yallal gacseemih, «Anqibeemih cakki liyoh. Naqbi yoo qidda haam fan anqibem yol tan» iyye.

1 Samuwel 3:18

Samuwel Yalli kaak inxicca 'yeemik tu kaak maaqurinnay inkih kaah warse. Too waqdi Qeli iyyeemih, «Usuk YALLAK, kay intit taysem abay» iyye.