Yoonas 4:2 - NABUWWA KEE MALIKWA

² Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Yoonas 4:2 Iomraidhean Croise

1 Malikwa 19:4

Eliyyas inkih tan ayro bacarih tan baaxot ankalaquk assa 'yeh, sarrak uli caxay silal lehiyyah gubal daffa 'ye. Isi niyat «Ahak rabam yoh aysuk ten» 'yaanam iyye. Too waqdi dooqa abeeh, «YALLAW, ah duudaanam hinna. Yi abbobtiy yok duma sugtek ayse waak, rooci yok eyyeq» iyye.

Ermiyaas 18:8

Sarrak woo mari woo umaaney edde sugehiyyak yuduure kaa tekkek, anu kaadu exceemik aduureyyooh, abeyyo exceemik raaqeyyo.

Ermiyaas 20:7

YALLA lih yaabeeh exceemih, «YALLAW yoo aylahisseh, kol aylahite. Qandeh yok taysem aaxigeh; caylah yok teyseh. Sinam burah af yol raqeeqissaah, anqaasah yol raban. Inkih tan ayro yol anqaasak asan.

Ermiyaas 26:13

Awayah tu gactek, edde tanin uma gitak uduuraay, YALLAY sin Dageltah yani siinik iyyem oobbeya. Toh abteenik, YALLI siinih loowe bala siinil moobisaay siinih racmatele.

Ermiyaas 42:10

‹Ama elle tanin rasul elle teedeenik, qarih innah sin xiseyyo ikkal, sin maggila. Caxah innah sin daabiseyyo ikkal, ahaysa buxuxuk sin masiiba. Siinil oobisem afqado yok biyakteh.

Qaamus 7:3

«Too waqdi YALLI keenih racmateeh, keenil ruube raare bala matakka iyye. Yok kaadu, ‹Ama qanaytuy tublehiyya keenit maruuba› 'yaanam iyye.

Qaamus 7:6

Too way YALLI keenih xuwaaweeh, ‹Ruube raare girah bala matakka› iyye.

Yoonas 1:3

Tonna'mmay Yoonas YALLAK kuda'gidih, aki qaxal gexe. Yaffa fan gexeeh; tokkel Isbaaniya gexxa doonik gee. Too doonikih kira igdiyya heeh, YALLAK elle yambooqoruh Isbaaniya gexa'gidih teetit kore.

Yoonas 3:10

Yalli oson uma taamak raaqeenim keenik yubleh. Tohuk gexxaamah keenit abeyyo iyyeh suge digaalak raaqeeh, ken madigaalinna.

Yoonas 3:9

Tonnal Yalli bagcarra cabba heeh neh racmatak xuwaawam takkeh. Tonnal kaadu rabak cattiimenno» iyye.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.