Yoonas 3:6 - NABUWWA KEE MALIKWA

⁶ Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.

Yoonas 3:6 Iomraidhean Croise

1 Malikwa 21:27

Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

Yasaqya 15:3

Woo mari, gititteh addal, sartanah *qabuddat gaca. Magaalak maglallah yan arac kee qarwah amol yan mari weeqaah rookita.

Ermiyaas 13:18

Ermiyaas kaadu qagseh iyyemii, «YALLI yok iyyemii, ‹Ama malik kee kay inak elle tanin dardaarinni korsik ooba keenik inxic. Woh akah excem, oson amot lon dardaarinni kalabta keenik raddeh.

Ermiyaas 36:13

Too waqdi Miikayhu, YALLIH yaabay Baaruk Qibaadâ-Qarih addal kawsa keenih akak abehiyya, ta maray daffeynat sugehiyyah warse.

Ermiyaas 36:24

Kay doolatak saqoltih yan maray ta yab yoobbehiyya kaadu mawariggitinna. Hinnay kaadu, «Umam net takku waytah tan!» 'yaanam maxacinnon.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Yacedkel 26:16

Baddi xaqul tan baaxooxah amoytitte dardaarinni koraasih baguk obba 'yeenih, xer-kameswa kee dilwa le sarak katta 'yeenih, baaxok bagul gacelon. Siinit tekkem abaluk kaxxa cunxoh cunxitelon. Xagar keenik axaxoh mayaada.

Daaniyel 9:3

Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.

Miika 1:10

Miika kaadu qagseh iyyeemih: «Filistiin mari elle yan Gat deqsitta magaalal xaagu mawarsina. Abtan weeqa isinnik able kala. Beetal-qafra deqsitta magaalah maraw, siinit takku waytaamah rookitay gomboduk bagul omborooroka.