Yoonas 1:9 - NABUWWA KEE MALIKWA

⁹ Yoonas keenil gacsemii, «Akah oobokem Qibraayisti. Elle aaminem YALLA. Usuk qaraanal yaniih; baaxo kee bad inkih gintem kaa» keenik iyye.

Yoonas 1:9 Iomraidhean Croise

2 Malikwa 17:25

Wokke naharak gufen waqdi, YALLIH qibaada abak masuginnon. YALLI toh yuble waqdi, ken takamu wayta lubooka keenit ruube. Too lubooka tu keenik qiddeh.

2 Malikwa 17:28

Sarrak too seekiy Israayilih yoobokehiyya wadir Samaariya fan yuduureeh; tokkel Beetal deqsitta magaalal dabqih gace. Tokkel YALLAL elle yaamineeniih kaa elle yaqbuden gita ken barse.

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Qedra 5:11

«Too waqdi nek iyyeenimih, ‹Nanu qaran kee baaxoh abbah yan Dageltih naqoosa kinninooh, away xisnam dumaak xissiimeh suge Yallih Qibaadah-Qariiy; a duyye addal akak hayteeh kaa xissem, duma suge Israayil malikiy kaxxa massakaxxa luk sugehiyya.

Nacmiya 1:4

Too xaagu oobbe waqdi, daffa exceh weeqe. Dago ayroora rookat sugeeh, too ayroora maaqo xage'kal suge. Yalla kallaceeh,

Nacmiya 2:4

Malik too waqdi, «Away hay, maca koh abam yok faxxaah?» yok iyye. Too waqdi qaraanal yan Yalla kallaceeh,

Nacmiya 9:6

YALLAW, Yalli dibuk koo. Qaran ginteeh; qaraanal tan cutuuka inkih gintem koo. Baaxo kee baaxol tanim inkih ginte; bad kee badat tanim inkih ginte. Rooci leemit inkih rooci haytem, koo. Qaraanal eneyya 'tam qibaada koh abta.

Daaniyel 2:44

«Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.