Yoonas 1:2 - NABUWWA KEE MALIKWA

² «Kaxxa magaalah tan Nanawê-magaala gexaay; tet marih umaane ableh anik, tet marat takku waytam keenih waris» iyye.

Yoonas 1:2 Iomraidhean Croise

2 Malikwa 19:36

Assuuriyah malik tah yuble waqdi, isi qaskar luk wokke cabeh, wadir Nanawê magaala fan yuduure.

2 Aydaad 28:9

Samaariyah magaalal Qooded deqsita num yen. Too num YALLIH nabik yen. Too nabi, a qaskar Samaariyah magaala tuduure waqdi, keenit matra'gidih yemeete. Too nabi keenik iyyeemih, «YALLAY isin akak radden sin kaxxa abbobti doorehiyya Yuudâ-mara yinqibeh sugeeh, tonna-leemiik sin gabat ken qide. Takkay immay isin keenit abten uma qidim, a saaku Yalla fan gufe.

Qedra 9:6

Too waqdi dooqah exceemih, «Yi Dageltaw, wacarriye waytam yoo ikkal, ni dambi mangah caddo cabeeh xexxaarah qaran eleele. Tonna kinnuk, yi Dageltaw, koo kallacam wacarriy yol tekke.

Yasaqya 37:37

Assuuriyah malik tah yuble waqdi, isi qaskar luk wokke cabeh, Nanawê magaala fan yuduureh, sarra elle raaqe.

Yasaqya 58:1

YALLI iyyaamah, «Anay fayya haay! Baantah innah kaayey! Yaqkuubuk rade maray yi mara kinnihiyyak, ‹Yalla cinteenih dambit assen› inxic.

Ermiyaas 20:9

Toh abaluk, ‹Ahaysa Yallih farmo mawarisaay YALLI woh iyye axcuk ken lih mayaaba› 'yaanam axce waqdi, ku yab afqadoh addat girah innah yok ure. Ku farmo warsaamak inni abbixem gabbateh immay effereh.

Yacedkel 2:7

Yab yaabbe mara hinnoonu'mmay, kok cinee kee oggole yakkoonay inxicaay, anu waris axcem keenih waris.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Yoonas 3:2

«Nanawey kaxxa magaalah tani fan gex. Tokkel anu keenih waris kok axcu waam keenih waris» kaak iyye.

Yoonas 3:3

Too waqdi Yoonas Yallih yab yoobbeeh, Nanawe fan gexe. Woo magaala kaxxam naba magaalak teneemih sabbatah, adda teetik taboonuh sidiica ayro beyak ten.

Yoonas 4:11

Hay, Nanawê magaalah addal bool kee labaatanni alfih numuy meqem kee umam baxse waahiyya yaniih, tonnah kaadu mango saqi elle yanik, anu mannal teetih qaade waah?» kaak iyye.

Miika 3:8

Nabi Miika iyyeemih, «Yoh tu gactek, YALLI isi Roocaaniyya dudda luk yol oobiseeh, isi qande yot hee. Qadaalatah tanim yoo yuybulleeh, Israayil mari aba dambit inti qasuk keenih edde warisa dudda yoh yecee.

Naacum 1:1

Yalli Nanawê magaalah giddinaamak ruube farmo ah teeti. Elkos deqsita aracal yooboke Naacum deqsita nabil, Yallih wacyi oobeeh; Naacum yublem a kitaabal yuktube.

Naacum 3:19

Kot yekke mudum, dayla le mudum hinna. Akak urta mudum hinna. Atu abak sugte umaane kee racmatta sinnak yisillime mari maay yan? Mayana. Tonna leemik, ku baati yaabbu waa mari farcatah gaba aagurele.