Yoonas 1:16 - NABUWWA KEE MALIKWA

¹⁶ Toh yublen waqdi, baddi mari YALLAK kaxxam meysiteh raaqeeh; tonna leemiik YALLIH migaaqal sadgat abeenih nadri kaah culen.

Yoonas 1:16 Iomraidhean Croise

2 Malikwa 5:17

Too waqdi Niqmaan Eliisaqak iyyemii, «Hay, mattaco yok cintek, buxah gabat luk gexa'gidih, namma bakili eerra heeh ballaaqek beyay yoo inxic» iyye. «Woh akah axcem, anu tahak wadir YALLAK kalihimih sadgat maabaay qerto maqeerisa.

Yasaqya 26:9

Baral koh maxhaxah, Dageltaw, maaca kaadu ku raksit liyo. Addunyal ku cokmi yablen way, sinam qadli kinnim baritta.

Ermiyaas 5:22

Anu YALLA kinniyok, macah yok meysite waytan? Yok foocal macah axaxite waytan? Bad edde yaade aracah qidde abe; bad too qiddek bisoh way mataba. Bad saacilik koram takkeh immay kaah heeh aracak taturra 'yeh bisoh magexa. Bad haffitaah xongolaamah, isi arac cabeh magexa.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Yoonas 1:10

Sarrak akak kudam YALLA kinnim keenih warse. Too waqdi baddi mari kaxxam wariggitak hagga iyyeenih kaak iyyeemih, «Atu abtem umaamaay abaanam hinna» kaak iyyen.

Yoonas 1:14

Too waqdi YALLAL weeqen. Iyyeenimih, «YALLAW, a numuk rooci nayyaaqeemih nee maqidin. YALLAW, atu elle faxxe'nnal abteemih sabbatah, nanu a numuy tu nel baahe weehiyya qidneemih nel mabeetin» iyyen.