Yoonas 1:12 - NABUWWA KEE MALIKWA

¹² Yoonas keenik iyyeemih, «Yoo badat qida; tonnal aadelek. Ah siinit akah takkem yi sabbata» keenik iyye.

Yoonas 1:12 Iomraidhean Croise

2 Samuwel 24:17

Dawud woo malaykattuy ummatta qidahiyya yubleeh, too waqdi YALLAK iyyeemih, «Qellatat asseeh ceele-waytih tanim abtem yook, too qellatah, yoo kee yi buxah mara akah digaal. A masaakiina maca bahteeh macah digaalta?» iyye.

1 Aydaad 21:17

Dawud too waqdi dooqah iyyeemih, «Yi Dageltaw, a qellatat assem yoo ikkal num hinna. ‹Sinam loowa› inteeh loowo absissem yoo kinni way a masaakiina maca bahte? YALLAW, yi Dageltaw, a qellatah yoo kee yi buxah mara digaalitaay ku masaakiina maqidin» iyye.

Yoonas 1:11

Badal sabo gacak gacteeh, too waqdi baddi mari Yoonasak, «A sabo taade'gidih, ko'lih maca abnam tayse?» iyyen.

Yoonas 1:13

Baddi marah tu gactekiiy quuruuk seeb abeeniih, woo doonik baddi afah baahaanam faxen. Takkay immay bad haffo gibdah amattakuk yeneemih sabbatah, kabul yangayyeenim maduudinnon.

Yoosuwa 7:12

Israayil mari naqboytiitit akah koysite weem tohih sabbata. Wadir wadirih keenik yoowweenih; toh akah keenit tekkem, keenit kaadu baatî-cokmi yekkeemih sabbata. Isinnih mahaysitinay bayisa siinik exce duyye bayse'kal, sin qaxat magaca.