Yasaqya 8:4 - NABUWWA KEE MALIKWA

⁴ Yooboke awki ‹Yi inay› 'yaanam kee ‹Yi abbaw› 'yaanam afak ayyaaqe'kal yan saaku, Damasko kee Samaariyah mari edderra heem inkih Assuuriyah malik buubele» yok iyye.

Yasaqya 8:4 Iomraidhean Croise

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 16:9

Malik Tiglat-Fileeser, Acad kaah ruube farmol, qaskar luk Damasko gaaduh yemeeteeh magaala qeebit raaqise. Sarrak woo magaalah mara Kiir baaxo fan seewah bee. Malik Raaxin qideh.

2 Malikwa 17:3

Assuuriyah-malikiy migaaqah Salmaneser deqsitahiyya Israayil-rasut qeebi abe. Sarrak Hosiqa kay gubal gace. Tohuk lakal kulli sanatal qusuur kaah acayuk yen.

Yasaqya 17:1

Damaskoh giddinaamak ruuben farmo ah teeti. YALLI iyyemii, «Damaskoh magaala ahak wadir magaala matakkay abur akkele.

Yasaqya 17:3

Gasoosa maroh edde tan magaalooli, Israayilik bayeleh; Damaskoh-magaala amô-baxxaaqqa weele. Suuriyah marak rabak raaqe mari Israayil marak kaxxih dago mara akkelon. Taham intam yoo, YALLAY Nabaamak Nabahiyya» iyye.

Yasaqya 28:4

Laqaymumte birroh inna leh, niqmatak tan kayrih tan golok daga raqta magaala keenik xayi waktih addat bayele. Is luk sugte qaxa kee bilqa suge wayteh innah gacele. Kusrah amot tooboke xayloy alayte waqdi num ifiillaay ukumma heeh innah bayelon.

Yasaqya 8:5

YALLI kaadu yo'lih yaabeh iyyeemih,

Qaamus 1:3

Qaamus iyyeemih, «Aham YALLI iyyaama. ‹Suuriyah mari fiiruk geerah dambi le taama abeenih; tohuk gexxaamah ken digaaleyyom digga le. Gilqad maral umaane baahak, nacrurta sinni xintot ken abbaxuk sugen.

Qaamus 1:5

Damaskoh magaala akak culan gasoh afoofi aggiggileyyo. Awen Golo deqsitta'kkel dabaaqah yan mara bayseyyo. Beet-Qadan xiinisa abba kaadu bayseyyo. Suuriyah mara Kiir rasu seewah beelon› iyya» 'yaanam iyye.

Yoonas 4:11

Hay, Nanawê magaalah addal bool kee labaatanni alfih numuy meqem kee umam baxse waahiyya yaniih, tonnah kaadu mango saqi elle yanik, anu mannal teetih qaade waah?» kaak iyye.