Yasaqya 5:4 - NABUWWA KEE MALIKWA

⁴ A caxa taabuke'gidih, meqe xaylo xalta'gidih, abe akah weem maay liyo? Meqe xayloy xaltam faxe; maxalinnaay; mabaahinna. An' cube weeh, acsube wee mulcu le xaylo yoh xaltem macâ-sabbata? Sabab le?

Yasaqya 5:4 Iomraidhean Croise

Yasaqya 1:5

Yalli faxe waamak macah aade waytan? Uxih digaalak macayyinnitoonuu? Moyya siinik uxih bakaq leeh; afqado kee misinkaca ahaydumah siinik muurinna.

Ermiyaas 2:21

Nabam meqe caxay kulsa le qinab akak yaabukeh innah, dooren maray kulsa lehiyya sin abe'mmay, a saaku qamal akak yoome maray yi yab oggole waahiyya tekken.

Ermiyaas 2:5

YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.

Ermiyaas 24:2

Kafaqak teenat nabam meqe *sublâ-xayloy naharak toobokehiyya ten. Nammeyhaytô-kafaqah addat toome xayloy yakmeenim sinnihiyya uble.

Ermiyaas 7:25

Sin kaxxa abbobti Masrik eyyeqqa hee ayro akke fanah, nabuwway inni naqoosah liyo mango adda sin fan ruubak suge.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Hosiqa 10:1

«Israayil mari qinab caxay mango xaylo xaltah innal yeneeni'mmay, gaddaliino osak keenih elle ossaamal, yalla akke sinni duyyeh qibaada elle aban arooca xisen. Baaxo keenih allaggoowak allaggowteeh mango daro kee caxâ-miri aabakuk keenih elle yoobokeemil, xeetik bicsen qamidway yaqbudeenihiyyat aban bilqa lafitak laften.