Yasaqya 5:2 - NABUWWA KEE MALIKWA

² A caxa yaysubuke'gid, elle yaysubuke aracak, xeet kaleh meqe'nnal dageh. Tet akak dacrisa'gidih, amo xer qari akah xise. Yuysubukem meqe caxa. A caxa xalta qinabat yaaqite'gid boodo dage. Qinab teetik alayam fan, tet qambaalak teetih suge. A qinab alaye saaku, qeero baaheh; mulcu luk yen.

Yasaqya 5:2 Iomraidhean Croise

2 Samuwel 7:10

Israayil ummattay inni mara abehiyya, sinam keenit xukkute'kal, elle gacoonu waan aracal ken nookiseh an. A baaxo culeenim kee akke fan umeynit qeebi keenit abak sugte'mmay, ahak wadir woh gaba kalele. Koo kaadu naqboytiitik amaanah raaqiseyyooh, buxa innih koh xiseyyooh, ramad kok aymaggeyyo. Tohuh qahdi koh cula.

Nacmiya 13:15

Too dabaanal Yuudâ-baaxol sabti ayro, maqab akak bicsaana'gidih, qinab xaylot yaaqite mara uble. Aki maray kaadu sabti saaku daro kee qinab xaylooy qinabak bicsen kamri kee salfa le caxâ-miru kee kalah tan duyye danoonal eerra heeh beyahiyya uble. A duyye inkih sabti qiidih ayro Yarusalaamal culusak yenen. Too waqdi «Sabti ayro hebeltohim maylammina» 'yaanam keenik exce.

Yasaqya 1:8

Yarusalaam, gubbil xisen daboyta kee cabcab elle yooboke aracal xisen seenan-qari kee naqboytit maraasiye magaalah innah, dubuk tekke.

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Ermiyaas 11:17

«Yoo YALLAY Nabaamak Nabahiyya duma Israayil kee Yuudâ-mara caxah innah uysubukeh suge'mmay, ta saaku bala keenil oobiseyyo. Toh keenik akah abu waam, umaamay dambi lehiyya baahaanaah, Baqal akak iyyaanamay yaqbudeenihiyyah sadgat abaanaah, naqabu yot culsan» 'yaanam iyye.

Ermiyaas 2:21

Nabam meqe caxay kulsa le qinab akak yaabukeh innah, dooren maray kulsa lehiyya sin abe'mmay, a saaku qamal akak yoome maray yi yab oggole waahiyya tekken.

Hosiqa 10:1

«Israayil mari qinab caxay mango xaylo xaltah innal yeneeni'mmay, gaddaliino osak keenih elle ossaamal, yalla akke sinni duyyeh qibaada elle aban arooca xisen. Baaxo keenih allaggoowak allaggowteeh mango daro kee caxâ-miri aabakuk keenih elle yoobokeemil, xeetik bicsen qamidway yaqbudeenihiyyat aban bilqa lafitak laften.

Miika 4:8

Siyon-qaley, duma akah sugte'nnal, yi marah reebu akkettooh; Yarusalaam dumaak akah sugte baaxok inaytâ-magaala akkele» iyye.

Makaabon 16:4

Tohuk lakal Samsoon Soorek deqsitta golol ten Daliila deqsitta barra yikcine.