Yasaqya 3:9 - NABUWWA KEE MALIKWA

⁹ Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Yasaqya 3:9 Iomraidhean Croise

2 Malikwa 9:30

Yaahu, Yidraqel magaala gufe. Idebal tekkem toobbeh teneeh; too waqdi intil kucul hayya hayteh amo kaadu bicisitta hayteh, malik qarih taagataak gititte fan wagitak sugte.

Yasaqya 1:10

Sodom marih bis le reedonow, YALLI siinik iyyam ankacisa! Gomorrâ-marih bis le ummattey, ni Dagelti siinik aba iyyam oobbeya!

Yasaqya 3:16

YALLI kaadu iyyaamah: «Yarusalaam-agbi kaxxiinah le inna wagitay. Kaxxiinah filla qaraanal beyan. Gexan way mellekkiy axcuk gexan. Intiita sahdal yabbixen. Ibat bilqah lon biriita gexan way sasac inta.

Yasaqya 57:20

Tonna'mmay umaane le mari, baddi haffoy haffok aade sinniih guddaafa kee wasak afat bahtahiyyah bis lon.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 6:15

A umam-yabuliy edde yaniinihiyyak xagar keenik dagoh gide kinni way mawacarriya. Wacarriy kinnim mayaaxigan. Tonna leemik oson kaadu gersi marak kaxxih bayelon. Ahak wadir keenit abu waa digaalah finqitelon. Tahat yabtam yoo YALLA» 'yaanam yok iyye.

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

Yacedkel 16:30

«Yoo YALLAY Mulki le kok axceemih: ‹Kaxxam walfitak, wacarriye wayta xiiqareh-xiina akah abta'nnah, wacarriyih taniimit asse.

Yacedkel 16:49

Tet kee tet xaylo ken dudda maaqo geyyaay amaanah gacca iyyen waqdi, kaxxa kaxxiina xagarat keenik gacte. Takkay immay masaakiina kee tu sinni marah cato abak masuginnon.

Yacedkel 23:16

Ken taswiiriy gidaar bagul yanihiyya tuble waqdi, kacni tet yibbixeeh; sarrak mareytá keenih takke'gidih, oson dabaaqah elle yanin Baabelon-baaxo farmo keenih rubte.

Daaniyel 7:20

Tonnah kaadu woo tabna gaysay woo alak amot tene kee, gersi gaysay sarrak tewqeeh sidiica gaysa tiggilehiyyah qaada kaadu aaxigem faxe. Too gaysa intiita kee af luk ten. Gersi gaysoosik elle baxsintaamah, keenik giffa 'ta ceelo luk teneeh, kaxxiinah hiddootak yaabak ten.

Hosiqa 13:9

Israayil ummatey, sin bayseyyo'mmay, num sin macata.

Hosiqa 5:5

Israayil mari le kaxxiina, kinnon mara keenik taybullee. Ken dambi ken yaydafoofoleeh, ken yankiseh. Yuudâ mari ken lih annikissele.

1 Samuwel 15:32

Tohuk lakal Samuwel iyyemii, «Ama Qamaalek marih malik annah yol baaha» iyye. Agag, «Baaha kaa» iyyeenim yoobbe waqdi, ahaysa malik yoh akah seecam rabak tan kaa hinna 'yaanam isi niyal luk yemeete.