Yasaqya 3:4 - NABUWWA KEE MALIKWA

⁴ Abbootanah, ummat amol kas baahe wee urru heeleeh; oson isinni elle faxinnaan innal ken xiiniselon.

Yasaqya 3:4 Iomraidhean Croise

2 Aydaad 33:1

Manasse malik yekke saaku qumrik taban kee namma karmat yen. Sarrak Yarusalaam magaalal kontom kee koona sanatah malikih suge.

2 Aydaad 34:1

Yoosiyaahu naharak Yuudâ malik yekke saaku bacra karmat yen. Soddom kee inki sanat Yarusalaamal malikih suge.

2 Aydaad 36:11

Xidkiya malik yekke saaku qumrik labaatanna kee inki sanatat yen. Sarrak Yarusalaamal taban kee inki sanat malikih suge.

2 Aydaad 36:2

Yowaacad Yuudâ-malik yekke saaku, labaatanna kee sidooca sanatat yen. Yarusalaam magaalal sidiica alsa malikih suge.

2 Aydaad 36:5

Yahoyaakim, Yuudâ-malik yekke saaku qumrik labaatanna kee koona karmat yen. Sarrak Yarusalaam magaalal taban kee inki sanat malikih suge. YALLAY kay Dagelta kinnihiyyal dambi lem baahak suge.

2 Aydaad 36:9

Yahoyaasin Yuudâ-malik yekke saaku taban kee bacra sanatat yen. Yarusalaam magaalal sidiica alsa kee tabna ayro malikih suge. Usuk kaadu YALLAL dambi lem baahe.

Yasaqya 3:12

Urri yi ummattat xukkutah yanih; agbi ken amol yan. Yi ummatey, sin miraacisa mari sin duquurusah, makot sin beyan.

Yasaqya 3:16

YALLI kaadu iyyaamah: «Yarusalaam-agbi kaxxiinah le inna wagitay. Kaxxiinah filla qaraanal beyan. Gexan way mellekkiy axcuk gexan. Intiita sahdal yabbixen. Ibat bilqah lon biriita gexan way sasac inta.

Yasaqya 3:3

ken qaskar abbobti kee ummattah abbobtiiy, xintô-miracwa kee gabâ-naggaarinna le mara kee sicri aba mara inkih, ragid cabsiisele.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.