Yasaqya 21:3 - NABUWWA KEE MALIKWA

³ Taham acsube waqdi, xagar yok kaxxa biyaakah biyaakita. Lacawat tan barrah innah biyaakita. Aytik oobbeemik meysi yoo tibbixeeh; intih ubleemik cunxita.

Yasaqya 21:3 Iomraidhean Croise

Yasaqya 13:8

Yakkeenimiik wariggiteloonuuh; biyak ken abbixele. Xalay edde xayyoowe barrah innah emreqeeqedelon. Wariggah mariiy mara keenik wagga heeleeh wacarriyih fooci keenik gombod ceelele.

Yasaqya 15:5

Mooyab-marah afqado yok danantah. Macaay inteenik, yasillimem faxa mari Xooqar kee Qeglat-Selisiya fan kuda. Marak teeni weeqak Lucit fan beya gita gexan. Marak teeni anay fayya haak boogisak Coronyim fanah kudan.

Yasaqya 16:11

Tohuk gexxaamah, Mooyab kee Kiir-Ceras marah, bagi yok kaxxam qaadah.

Yasaqya 16:9

Tohuk gexxaamah, Yaqder-mari Sibmâ-qinabah akah weeqa innah, anu kaadu weeqah. Cesbon kee Elqaaleh ximo yok tamaate. Macaay inteenik, ummatta ruffo hayta daroy orbisaanahiyya mabla; ummatta ruffo haa kudaar mayan.

Yasaqya 26:17

Lacawat tan barray boogissa, elle weqtaah boogissa gurral, ku foocal boogisneh nen, YALLAW.

Ermiyaas 4:19

Ermiyaas iyyemii, «Anu woyyow, kaxxam keenih biyaakitah an. Woyyow yi ulqow! Ulqi ah yok xiqah mayan! Qeebih yamaate mari aba tirtira kee baantah ugura yol raddah taniih; aham aabbih tibba axcem yoh takkeh matan.

Ermiyaas 48:41

Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 50:43

Baabelon malik a xaagu geeh, tohuk gexxaamah gaba kaak meysih kafteh matangayya. Kaxxa cunxo kaat raddeh taniih, lacawat tan barrah innah araadaqisa» iyye.

Ermiyaas 6:24

Too waqdi Yarusalaam mari iyyemii, «Woo xaagu noobbeh cisabbootiyyah namma xabanal gaba lino. Edde nanim, cunxooy; lacawat tan barrah innah, biyaakat nan.

Cabakkuk 3:16

Tah oobbe way yi Dageltaw, axaxiteeh, kumkummateh. Sokaati yok axaxitteh; ibi yok kadiidimiteh; ariiqo yok axaxitteh. Nel umaane baaha mara, neh digaalla haytam fanah, asbireyyooh, qambaaleyyo.