Yasaqya 2:2 - NABUWWA KEE MALIKWA

² Tamaatu wayta ayroorah addat YALLIH Qibaadah-Qari elle yan qale kulli'kkek fayyah giffa axcele. Kulli qalek fayyah giffa luk raaqele. Kulli koomak fayyah giffa luk raaqele. Baadal tan ummatta tet fan amaatele.

Yasaqya 2:2 Iomraidhean Croise

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 25:6

YALLAY Nabaamak Nabahiyya addunyâ-bagul enna 'ta ummattah, a Siyon qalel, kaxxa xigla abele. Too xiglah kulsa le maaqo kee qinabak bicsen kamriy kulsa lehiyya bicsele.

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yasaqya 30:29

Takkay immay Yallih ummatey, isin ruffa axcetton. Qiddi bar abak yenen saare abetton. YALLA elle yaqbuden qalel, YALLA saarissaana'gidih, fooxima gabat luk tawqen waqdi, farcatah yassallen inna assalletton. Israayil-ummat dacrisa Dageltih-qale yamaate mari farcatah yassalle inna assalle lon.

Yasaqya 49:6

Tonnal annah yok iyyamaa; «Yi naqasow, Israayilik baatik raaqe marak inkih, luk sugen nabna gacsaanam, ku gabat absiise liyo. Wohuk kalah tayse taamay muxxo leeh giffa lehiyya ku gabat absiise liyo. Baadal inkih tan ummatah ifu kee noori koo abeyyo; Wadoot kee catotta akketto. Toh ku gabat absiiseyyo» yoo doore Dagelti yok iyyah yan.

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 60:3

Doolatwa inkih, ku ifuy maaci ifih innah urahiyyah goranah amaatele; malikwa kaadu ku ifuh goranah amaatele.

Yasaqya 65:11

«Toh hinna'mmay raaqe maraw! Yoo hawweeneeh cine maraw! Yi qaley taahirik tani hawwenna 'yeeh burte maraw! ‹Nasiib› akak iyyan duyyeh meqe maaqo yecee maraw! ‹Ellecabo› akak iyyan duyyeh qinab-kamri yecee maraw, siinik excem tabbeenimi!

Yasaqya 66:20

Baadal tan ummatak sin tooboko inkih, mattacoh yoh baahelon. Gaariiy faarisiiy bakil kee gaalal hayya ken heenih, Yarusalaamal tan yi qaley taahirik tani ken baahelon. Israayil mari taahirik-yan-kafaqat sadgatah daro yi Qibaadah-Qari elle baahan innal, ken baahelon.

Yasaqya 66:23

Alsi elle bilinnaanimil aban qiid kee, kulli sabtih aban qiidih, sinam inkih Yarusalaamal yoo taqbude'gidih amaatele» 'yaanam iyya YALLI.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 23:20

YALLIH bagcarra isih faxem abe'kkal, maxabbacowta; keenih loowe digaala keenit abele'kkal, macaba. Yamaatu waa dabaanal tahat radettoonuuh; aaxigetton.

Ermiyaas 26:18

«Ciskiyyaahu, Yuudâ-marak malikih yen saaku, nabi Miika deqsita nabiy Moreset rasul yoobokehiyya ummatah inkih YALLI kaak inxica iyyem warseh yeneeh, too nabi too saaku iyyemii, ‹Siyon qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele› iyyeh yen.

Ermiyaas 3:17

Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Ermiyaas 48:47

«Takkay immay sarrî-dabaanal luk sugen gaddaliino keenih gacseyyo. Tah intam yoo YALLA. Anu Mooyab maral abe cokmi tokket yeede» iyye.

Ermiyaas 49:39

Takkay immay ken baysek sarra ken gacseyyooh, akah sugen gaddaleela ken abeyyo. Tahat yabtam yoo YALLA» 'yaanam iyye.

Ermiyaas 51:44

Yalli iyyemii: «Baabelon mari yallah le Beel deqsitta duyye bayseyyo. Yunxuqem alliyoh kaak gacseyyo. Tohuk wadir ummat kaa aqbuduk maraqta. Baabelon gasoosa addigillele.

Yacedkel 38:16

Yi Israayilih ummatat caacoy baaxok baaxo gexxah innah, elle temeete innaak qeebi abetto. Sarrah yan dabaanah, yi baaxo tabbixe'gidih, koo ruubeyyo. Toh akah abu waam, raqqa 'te baaxooxah mari yoo yaaxige'gidiiy, tonnah kaadu, kol baahu waamak gexxaamah, taahirik yan Dagelta kinniyom yok yaaxigeeni'gidi» iyye.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Daaniyel 10:14

Away akah emeetem, sarra yan saaku ku marat takku waytam koh warsa'gidi. Ah sarra takku waytaamih wacyi› yok iyye.

Daaniyel 2:28

Takkay immay Yallay qaraanal yanihiyya sirrih tanim yableeh yaybulle. Yalli, atu xiinit sugte waqdi, sarra yan saaku takku waytam koo yuybulleeh yan. Tublem aham teeti:

Daaniyel 2:35

Woo waqdi woo birta kee kallaay, nacaasaay lakqo kee dahab inkih, inki-adda caffa tekkeeh, caacay woo caffak raat cabe'kal inkih beeh. Takkay immay woo kaxxa xaa, baaxo inkih dudda qale yekke.

Daaniyel 2:45

Gabah num xage'kal qalek baxsimma 'yeh rade xaay soonol tublehiyyak maqna toh teeti. Too xaa, birtaay nacaasaay kallaay lakqo kee dahabak bicsen ceelo aggilih tuble. Yallay Nabahiyya sarra takku waytam koh warseh yan. Atu soono elle tublem, hununuh tama'nnaay; teetik nummâ-maqna koh warseh» kaak iyye.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Zakariyya 14:10

Gabaq deqsita aracay kilbat le kabut raaqak xabba haanamaay, Rimmon deqsita aracay gabbi le qaxat raaqahiyyah amma 'yaanam fan booxa akkele. Yarusalaam magaala dariifal teetik tan baaxok fayya axcuk raaqele. Magaalak exxa Benyam-Culma deqsitta afak xabba haanamaay, duma magaala akak culak sugen af elle suge arac fan gexak, Rukni-Afah deqsita arac fan gufele. Sahda akak yabloonuh xisen Cananal-Qariy amo-xeerik, malik buxah marih qinab kamri axmuumuk elle bicisak yenen arac fan gufele.

Zakariyya 14:9

Tohuk lakal YALLI, inkih yan baadal malikih anuk, baaxo xiinisele. YALLAK sah yaqbudeenim ane waytam kulli num aaxigele. Kaak sah tu mayaqbudan.

Zakariyya 8:22

Mango mara kee cayla leelah tan doolatwa Yarusalaam fanah YALLAY Nabaamak Nabahiyya yaqbudeeni'gidiiy YALLIH barkatah kallacaana'gidih amaatelon.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.

Malaaki 3:12

Toh yabalu waa maray kulli baaxol yanihiyya, ‹A mari ruffa ye mara, oson elle yanin baaxo meqe baaxoy dabaaqah elle gaceh meqe› 'yaanam axcelon. Tah intam yoo YALLAY Nabaamak Nabahiyya» 'yaanam iyye.