Yasaqya 18:3 - NABUWWA KEE MALIKWA

³ Baaxô-bagul yan maraw ankacisa! Qaleh amol qalaamat ugsoonu waan waqdi wagita! Baanta yaaguroonu waan waqdi oobbeya!

Yasaqya 18:3 Iomraidhean Croise

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 13:2

YALLI iyyeemih, «Tu elle aabuke wayta qaleh amol, qeebi yanim elle yaaxigen qalaamat hayisa. Makaabon elle tani'kkel gaaboowaana'gidih, qeebi abtu wayta qaskarah amri ucuya. Qeebi aboonu waanamih astah gaba ken fan fayya hayisa.

Yasaqya 13:4

Qaleh amok rada anay ankacisa. Mango maray gaaboowehiyyah anay kee, gaabowte doolatway waxqaxitahiyyak anay rada. Nabaamak Naba YALLI, mango qaskar qeebih bical haa.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 31:9

Ken malikiy ken dacayrih yene cunxot bayele. Carbi-abbobti meysik gexxaamah, carbi qalaamatih sinbil baaxot qideenih cabelon. Ahat yabtam, yoo YALLAY Siyon-qaleh amol solal girah innah urahiyya.

Yasaqya 49:22

YALLAY Mulki le isi marak iyyamaa, «Doolatwa fan gaba caseyyo. Elle yaaxigeeni'gidih, inni qalaamat ken aybulleeyyo. Sin xaylo sin baaxo fanah gacseloonuuh; lab-xaylo siinik aliilit baahelon; say-xaylo kaadu sunkut baahelon.

Yasaqya 5:26

Yalli xer baaxol yan marah seeco abeeh, baaxô-maggaraqal yan mari yamaate'gidih seeco abe. Woo mari ah keeniiy; sissikuk ardat yamaateenih yanin.

Yasaqya 7:18

«Too ayro YALLI Masri mari Niil weeqayti akak qimbisa ikkek kaaqayti innah edde yamaateeh; Assuuriyah mari kaadu isi baaxok diidaaleh innal edde yamaaten fooxay kaxxa asta keenih takku waytahiyya keenih abele.

Ermiyaas 22:29

Woyyow yi ummatey, woyyow yi ummatey! YALLI siinik iyyam oobbeya.

Ermiyaas 51:27

«Qaskarey, qeebi qimbissaanamih qalaamatih saro gubaak fayya haa! Baaxo inkih akah taabbe'nnah, *baanta ugura. Baabelon marih qeebih ummat bical haa! Araarat kee Minni kee Askanad doolatak, qeebi qimbisa inxica. Gaadu miraacisu waa gaadi abba haysita. Qeebih faarisik mangah qanayti gid takkem ruuba.

Miika 1:2

Ayyuntaw, ta yab oobbeya. Inkih yan baadal geytintam, ta yab taabbay, ankacissay. YALLAY Mulki le qaraanak sumaaqah siinil radele. Taahirik yan isi qarik YALLI sin lih yaabah yanik, usuk iyyam ankacisa.

Miika 6:2

Qaleelaw, baaxo daffeynah elle tan rakiiboy waartahiyyay, YALLI a mari baaheemik edde yaabam oobbeya. YALLI isi marak wayto le. Israayil marak malkitele.

Miika 6:9

Yallak meysita mari, kas gee mara. YALLI iyyeemih: «A magaalah mara kee a meelah maraw, axcem ankacisa.

Zakariyya 9:14

YALLI isi marak daga raaqa aracal gacca 'yeh, cankaxi innah isi gaysê-baxa ruubele. YALLAY Mulki lehiyya baanta kaayisak, gabbi qaxak caacoh addat amaatuk qeebi abele.