Yasaqya 11:3 - NABUWWA KEE MALIKWA

³ YALLIH amri duuduseleeh; kaa aynabuk kay amri duudusaanamat ruffu axcele. Num irok elle yable innal kay adda aaxige'kal, wonnaay annah yan numu mayya; hinnay kaadu, marin-texce-texceh kaal mayackuma.

Yasaqya 11:3 Iomraidhean Croise

2 Samuwel 14:17

Qagisseh kaadu intemii, «Yi malikow, atu Yallih malaykattih gideey, umam kee meqem tittak baxissu dudda. Tonna-leemik, malik yoh culu waa xagni yoo catele, 'yaanam inni afqadol heeh emeete. YALLAY ku Dagelti kinni ku qaxa yakkay!» inte.

2 Samuwel 14:8

Too waqdi malik teetik iyyeemih, «Atu isi buxah uduuraay; a caagid anu innih bicseyyo» teetik iyye.

1 Malikwa 3:28

Israayil mari Suleeman a namma barrah yab elle kure'nna yoobben waqdi, kaxxam kaa yessekexxen. Kaa akah yessekexxeenim, usuk too ayrook lakal, Yalli sahdâ tittin-way missat edde bicsa kas kaah yeceem yeexegeenimi.

1 Malikwa 3:9

Tonna'mmay ku ummatta qadaalatat edde xiinisaah, umam-kee-meqem-edde-baxisa-kas yoh acuyey. Too kas aalle week, a-axxul le ku mara qadlit xiinisam maduuda» iyye.

Yasaqya 33:6

Tet doolatah digga akkele. Teetih dacayri akkele. Kas kee ixxiga keenih aceele. Kaxxa acwa akak 'yaanam, YALLA meysitak yassanabbeenimi.

Yacedkel 45:8

Too baaxo Israayil abba yakku waa numih ikoyta akkele. Too baaxok taturra 'yeh Israayil marih baaxo maxaga. Keenit maxukkuta.

Miika 4:3

YALLI baaxooxal yan tittin way bicsele. Kaxxa doolatway qande leh fanat bica abele. Qeebi edde abak sugen seefwa buqre edde aban biriitah gacselon. Qeebi edde abak sugen macaxu caxak luud edde yargiqen gileelah gacselon. Ahak wadir doolatwa gaaduh tittah magexxa; ahaysa qeebi tittat aboonuh masilaacsitan.

1 Samuwel 16:7

YALLIIY Samuwelik annah iyye. «Anu doore num a num hinna. Woo num xeeriih qaxmeqe numu. Takkay immay qax-maqaane kee xexxaarat tu kaak mawan. Anu sahda kinni mara elle aaxigem, sahda sahda elle taaxige gurra hinna. Sahda, sahdak irô-xagar wagittaah; yoh tu gactek, sahdayti nummaak kinni num kaak wagita» iyye.