Yasaqya 1:9 - NABUWWA KEE MALIKWA

⁹ YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 1:9 Iomraidhean Croise

1 Malikwa 19:18

Takkay immay yol imaan luk sugeeh, Baqal-akak-iyyaanamah-qibaada elle abaana'gidih gabak bicsen duyyeeyah gommoh rade weeh, woo ceelo fugute wee maray malcina alfih num yakkehiyya rooci luk ken cabeyyo» iyye.

2 Malikwa 19:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab» 'yaanam farmoh kaah ruube.

Yasaqya 1:8

Yarusalaam, gubbil xisen daboyta kee cabcab elle yooboke aracal xisen seenan-qari kee naqboytit maraasiye magaalah innah, dubuk tekke.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 11:16

Yalli, isi-marak saaboh raaqe marah, duma Israayilih Masri rasuk akak yawqen gita elle bicse innal, keenih kaadu Assuuriyah rasuk akak yawqen gita bicsele.

Yasaqya 17:6

Dago mari keenik raaqele. Israayil mari *daytuun caxay xaylo inkih akak ifiilla heenih, namma *daytuun akkeey sidooca *daytuun akke amot akak raqte akke kee, hinnay kaadu, gubi luddat dago xaylo akak raqtehiyya innah gacelon. Ah intam yoo YALLAY Israayil doore Dageltah yanihiyya kinni» iyye.

Yasaqya 24:13

Addunya kee addunyal enna 'ta ummatat, tamah takku waytaama. Caxâ-miru akak yifiilen caxah amot, akak aylahiten caxâ-miri tiya-tiyah akah raqta innah, addunyay baatehiyyah bagul num-num saaboh raaqele.

Yasaqya 24:6

Tonna-leemiik Yallih-abaaro addunyal obte. Tet bagul yan mari akah biyaakitam, isinnih aben umaane. Addunyâ-bagul yan mari isih abe umaanek gexxaamah, bayak maaciseleeh dago mari raaqele.

Yasaqya 37:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab› » 'yaanam farmoh kaah ruube.

Yasaqya 46:3

Yalli iyyamaa: «Yaqkuubuk rade maraw! Yi marak saaboh raaqe mara kinnitoonuk, yoo oobbeya! Tooboken saakuuy akke, sin akkuquk amo siinik wagitak suge.

Yasaqya 6:13

Baaxô-bagul bool yakke marak tabna num raqtaamah, naqboytit qagitak baaxo warareleeh, baaxot gira ruubelon. Takkay immay yirgiqen caxak buxux elle raaqe'nnal, taahirik yan dariyyuy sarra yaabuku waa raaqele» yok iyye.

Yasaqya 65:8

«Meqe lee le qinab-xaylo, qinab-xaylo fanat geenik, baaxot num qidam mafaxa. Qinab xaylo yaxmuumeenih leeh aftoh sahda taaqube. Yi mari yol too gideh yan; yi naqoosa too bis yol le. Baaxot inkih ken maqida; inni naqoosa mabaysa.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Ermiyaas 50:20

Too saaku, Israayil kee Yuudâ-marak saaboh raaqe maray Baabelon malikih gabak rooci edde catehiyyah qafu abeyyoomuh sabbatah, dambi le mari ken baaxol masuga. Duma abeenim keenih cabeyyo. Tahat yabtam yoo YALLA» 'yaanam iyye.

Yacedkel 14:22

Too marak dago agabu kee labhay too digaalak raqqa 'tehiyya, sin fan amaateloonuh; nagay ken cubbussan waqdi, uma mara kinnoonum keenik abletton. Too waqdi Yarusalaam marat abe digaala celta digaala kinnim elle aaxigetton.

Yacedkel 6:8

«Seefik dago mari cattiimeleeh; too mari ummat kee mango baaxooxa fanat fixixele.

Ayyuqel 2:32

YALLAH seecinnaanih num waddiimele. YALLI akah iyye'nnah, «Yarusalaamal sugu waa marak tu takkem asillimele. Anu dooreh akah seece mari cattiimele» iyye.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.