Yasaqya 1:4 - NABUWWA KEE MALIKWA

⁴ Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 1:4 Iomraidhean Croise

2 Malikwa 21:22

YALLAY usuk akak rade kay kaxxa abbobti doorehiyya cinna heeh usuk aba iyyam abam cineh.

2 Aydaad 12:1

Racabqam malik tikka 'yeh abbootan maqar bahha kaak hee saakuuk xabba haanam, kaa kee usuk amol akak reede mari YALLIH xinto cinaanam baahen.

2 Aydaad 27:2

Yootam isi abbak kaxxih, YALLI kicna taama abak yen. Takkay immay kay abba akah abe innah, YALLIH Qibaadah-Qaril qaydarus maqeerisinna. Takkay immay ummat dambi abittok maadayinna.

Nacmiya 1:7

Ceele-waytam kol bahneeh, atu aba inteh nee akah amrissem maabinnino. Muusay ku naqasuh yanih gabat neh rubte xinto aba intam maabinnino.

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Yasaqya 1:28

Takkay immay YALLIH yab cina maray dambit asahiyya baysele. Kaa cabba hee mara selele.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 14:20

Macaay intek, atu isi baaxo foyya abteeh; isi mara qide num kinnito. Tonna leemiik gersi malikwa elle yoogoqen innal matamoogoqa. Ku buxah mari inkih umaane leela kinnoonuuh; ken migooqa kassite way!

Yasaqya 29:19

Rammita mari, YALLAT kaxxam ruffa axcele. Israayil doore Dageltay kudduusuk yanihiyyat, masaakiina ruffa axcele.

Yasaqya 3:8

Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 30:15

Mulki le YALLAY Israayil doore Dagelta kinniih *Kudduusuk yanihiyya iyyaamah, «Amay yol uduuray yol eemena; tonnal waddiimetton. Macisabbootinay kibaal yol hayisa; tonnal qande geetton» 'yaanam iyya'mmay, isin wohim cinteenih.

Yasaqya 30:9

Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Yasaqya 31:2

YALLI kas leeh; bala oobissem kaa. Usuk iyyem aba. Tonna-leemiik sarri-leelal gaba qideleeh, umaane aba marah cato yakke maral kaadu gaba heele.

Yasaqya 37:23

Atu xaafteeh qayto edde abtem iyya takkale? Kaxxiinah amo qaraanal elle haytem iyyaay? Caddi akah abe waytem, iyya kot celta? A ceele-waytam akak axcuk sugtem, Israayil doore Dageltay *kudduusuk yanihiyya kinnim mataaxiga'nnaa?

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 41:20

Taham YALLIH gabat tekkeeh; taham duudusseeh, gintem Israayil doore Dageltay kudduusuk yanihiyya kinnim woo masaakiina ubullaay cubbussa haan waqdi, aaxigeloonuh, edde radelon» 'yaanam iyye.

Yasaqya 5:19

Isin, «Yalli abeyyo iyyem sissikuk abam kaak nabalu wayna!» intan. «A Israayil doore Dageltay *kudduusuk yani abam faxam duudusam keh, kaak waginnu wayna» intaana'mmay, woyyow, siinit takku waytaama!

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 58:2

Macaay intek, cakki-gital-gexa-marih innal, ken Dagelti iyyeemit darre cabe wee marih innal, oson kulli ayro, ‹Kay gita naaxigem fanxaah, kay amri oggollam fanxa› axcuk yoo yaqbuden. ‹Koo naqbudeemit rufto geennok, qadaalat le xinto neh eyyeq› yok iyyan.

Yasaqya 65:11

«Toh hinna'mmay raaqe maraw! Yoo hawweeneeh cine maraw! Yi qaley taahirik tani hawwenna 'yeeh burte maraw! ‹Nasiib› akak iyyan duyyeh meqe maaqo yecee maraw! ‹Ellecabo› akak iyyan duyyeh qinab-kamri yecee maraw, siinik excem tabbeenimi!

Yasaqya 65:3

Too mari niqibyom abah fiiruk geerah ahat asaah foocal yok tohumut asa. Bustaan addal sadgat aban; daaduruk xisen aracal qibaadah qerto ruubaanah. Inkih tan ayroy dudda le ‹Yol ama› axcuk namma gaba keenih fidseh, ‹Yol ama› exce.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Ermiyaas 2:33

Gabak bicisseenih taqbuden duyye kaxxam kicinton. Sayyok inkih qamal umaaneh lafitta inta barra kinni way uma-taamah sin meelelta.

Ermiyaas 2:5

YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.

Ermiyaas 32:32

Tohut akah emeetem, Israayil kee Yuudâ maraay, ken malikwa kee keenik saqoltih yan maraay, ken seeka kee oson nabuwwah lon mara kee, Yarusalaam magaalah mari abah yan umaane.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Yacedkel 14:5

Toh akah abam, yol akah yaduuren innah keenik aba'gidi. Israayil mara yok teyxeerem, oson yaqbuden xeet kee cooxu.

Yacedkel 16:33

Duma xiiqareh-xiinah mareytit lakqo acayuk ten. Koh tu gactek isih keenih tecee. Kulli kaalibik sahda kol temeeteeh; mareytit kok takke'gidih, guqul keenih acayuk sugte.

Yacedkel 16:45

Nummah, atu isi inah baxá tekke. Ku ina isi xaylo kee baqala niqibuk ten. Ku maqanxiixiy kaadu isi baqolti kee xaylo niqbahiyyah bis lito. Ku ina Ciitâ barrak teneeh; ku abba Amoorâ numuk ten.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.

Xafanya 1:6

Yot darre cabaah, yi gita kataate waa mara bayseyyo. Too mari yot baaqid sinni maray catoh yol kibalsite waahiyya kinnon» iyye.

Makaabon 10:10

Too waqdi Israayil mari, YALLAL weeqeeh iyyeemihii, «YALLAW, kooy ni Dagelta kinnihiyya cabneh; Baqal akak iyyeenim nuqbudeeh dambi lem kol bahneh nan» iyyen.