Yacedkel 8:16 - NABUWWA KEE MALIKWA

¹⁶ Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.

Yacedkel 8:16 Iomraidhean Croise

1 Malikwa 8:29

A qarik bar kee loqoh amo wagit. A qariy ku qibaada-elle-takke'gidih doortehiyyah fan ufkunna exceh kulli waqdi abah an dooqa yok raabit.

2 Malikwa 16:14

Dumaak YALLIH qibaadah qiden sadgatah heenih sugen aracay nacaasak bicseenihiyya, YALLIH Qibaadah-Qarik foocal, qusba sadgat arac kee Qibaadâ-Qarik fanal gace. Sarrak tokkek kalla heeh, isih xise qusba aracak kilbat le kabut hee.

2 Malikwa 21:5

Qibaadâ-Qarih-gasok adda le kabuk namma daaratal inkih, cutuuka elle yaqbuden arac bicse.

2 Malikwa 23:11

Tonnah kaadu, Yuudâ-malikwa ayrô-qibaadah hayteh sugte faroosa, elle sugte aracak kaleh. Gaariiray kaadu Yuudâ-malikwa ayrô-qibaadah heenih sugeenit gira ruube. A faaris kee gaariira elle sugtem, YALLIH Qibaadah-Qarih-daaratah akak culan afak ten. Tohum, Naatan-Melek deqsita numuy abbootan lehiyya qarik xayi aracak ten.

2 Malikwa 23:5

Qibaada elle aban aroocay fayyat raqtahiyyay Yuudâ-magaaloolih adda kee Yarusalaam garil geytimtahiyya elle suge maray, seekâ-gurral qerto ruubak sugehiyya, wokkek xiiriyeh. Kaak duma Yuudâ-malikwa, too mara, Baqal-akak-iyyan-duyyey yallah loonu kee, ayro kee alsa kee qaran-cutuukah seekâ-gurral qerto ruubaana'gidih, heenih sugen.

2 Aydaad 29:6

Ni kaxxa abbobti YALLAY ni Dageltah yanihiyyal luk ten imaan cabeeniih; YALLI anqibinnaanim abak sugen. YALLA hawweeneeniih, kaa elle yaqbuden aracat darre caben.

2 Aydaad 7:7

Suleeman Qibaadâ-Qarih daaratih addal, hununuh Qibaadâ-Qarih foocat raqta fanti exxa Yallih taamah taahirroyseh. Tokkel cado akak inkih cararisu waa saq yusguudeh, sadgatah daro baahe. Kaadu amaanah xiinaanamih astah aban sadgatak xayta cararise. Too sadgat woo aracal akah abem, sadgatah qidan saq elle yasguudeeni'gidih, nacaasak bicsen mansaf a axxul le sadgat bagul akak abaanah gide nabnah akkuk mananna.

Ermiyaas 2:27

Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Ermiyaas 7:18

Yol umam baahaana'gidih, urri keenik boco baahaah, ken abbobti woo bocot gira urussa. Agbi keenik qagina arqusa. Too qaginak too giral alaysen gaqambo, Gannat-Malikáy yallah loonuhiyyah dooqah baahan. Tohut mayaadiyaanay, yalla akak iyyan duyyeh sadgatah qinabak bicsen kamri baahan.

Ermiyaas 8:2

Too lafoofi inki aracal gaaboysak mayaaguqaanaay; guddaafa baaxot elle caxan innal, baaxot qidelon. Ken elle qiden ikkel qangalaylut raaqelon. Tokkel ayro kee alsa kee cutuukay oson kicinukuuy aqbudukuuy faxaanam elle esserak sugeenihiyyah gubal qangalayle lon.

Yacedkel 10:3

Usuk addah cule waqdi, galwa-lem Yallih Qibaadah Qarik gabbi kabuk soolak ten. Too waqdi Qibaadâ-Qarik adda le kabu raaqa daarat qamburre bulte.

Yacedkel 11:1

Yallih *Roocaaniyya baaxok ugussa yoo hayteh, ayrô-mawqa le kabut raqta YALLIH Qibaadah-Qarih culma fanah yoo bahte. Tokkel culmak xaqul labaatanna kee koona num uble. Too labaatanna kee konooyut Qaddúr-Yaadanya kee Banaayá-Falatya deqsitta abbobti yan mari edde yen.

Yacedkel 23:35

Yoo YALLAY Mulki lehiyya kaadu axceemih, «Yoo hawwenteeh darre yot cabteemih sabbatah, ama litoh tan sammô-xagit kee abtah tan dalwak gexxaamah, biyak kol oobele» iyye.

Yacedkel 23:39

Xeet kee cooxuk bicsen duyyeh sadgatah yi xaylo qidda heenik sarra, yi qariy yoo elle yaqbudeenihiyya yemeeteeniih, nadaasa aben. Yi qaril toh aben.

Yacedkel 40:28

Too num gabbi-qaxat raqta culmaak adda le kabut raaqa daaratih fan yoo bee. A culma takkeh gide yimittire waqdi, gersi culmah gide akkuk ten.

Yacedkel 40:6

Tohuk gaba kalla hee waqdi, daarat akak yawqen afay ayrô-mawqa le kabut af cabtahiyya fanah gexe. Tokkek mawqeena yewqeeh; amo guffu hee waqdi, dagaak guba fanah culma takkeh gide yimittire. Sidooca mitri xexxaarah tekke.

Yacedkel 43:5

Too waqdi Yallih *Roocaaniyya ukkuqqa yoo hayteeh, adda le kabu raaqa daarat fan yoo culusse. Tokkel YALLIH nabna yaybulle nooriy inkih yan Qibaadah-Qari ifsahiyya uble.

Yacedkel 43:8

Malikwa isinni qarwa akak culan afa, yi qari fan akak culan afah xaqut heenih yaniiniih; tonnal ken kee yi fanat dibuk inki gidaarak sah tu masuginna. Tonnah abak yi migaaqay taahirik yanihiyya wassakoyseenih. Tohih sabbatah abeh an bagcarrat ken bayseh.

Yacedkel 45:19

Sek too dahaltuy dambi-kaloot-sadgatah qideenihiyyah qabalak tu takkem beyya heeh, Qibaadâ-Qarih albaab dagah amook tani'kkel caxay. Sadgat elle aban mansafak affara *ruknil kaadu caxay, adda le kabut raaqa daarat adda akak culan culmal, tonnah kaadu caxaama.

Yacedkel 46:1

YALLAY Mulki lehiyya iyyeemih, «Adda le kabut raaqa daarat fanah akak culan afay ayrô-mawqa le kabut raqtahiyya, lica ayroy taama edde abaanahiyyat alifut sugtaama. Takkay immay Sabti-ayro kee alsi edde bila ayroy qiidih edde asaanahiyya fakkintay.

Yacedkel 7:23

«Baaxol titta qida mari yemeggeh; magaalal umaane aba mari caddo cabelek, silsilatwa bicis.

Yacedkel 8:15

Too waqdi Yalli yok iyyeemih, «Bani-adantow, ama'kkel yakke umâ-yabuli maay tablee? Ahak sarra kaadu amahak gactam abletto» yok iyye.

Ayyuqel 2:17

Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.