Yacedkel 7:8 - NABUWWA KEE MALIKWA

⁸ «Away xayi saakih addat yi naqbi siinil oobele. Abba hayten umaaneh sin digaaleyyo. Ama qax-umaane le abtoy edde assa 'teenihiyya siinit macaba.

Yacedkel 7:8 Iomraidhean Croise

2 Aydaad 34:21

Keenik iyyeemih, «Gexay yoo kee Yuuda kee Israayil ummattal tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti a kitaabal yan Yallih yab abe weenimih sabbatah, YALLAK naqbi nee geeh yan.

Yasaqya 42:25

Yalli toh keenik ubulla hee waqdi, isi bagcarray girah innah sinam cararissahiyya keenil ruube. Carbi keenit aba mara keenit ruube; Too carbi girah innah ken laqlaqe'mmay, tohuh edde maradinnon. Too gira ken tokmeh immay, toh baritto keenih makkina.

Ermiyaas 36:31

Koo kee kok rade mara kee, ku doolatak saqoltih yan mara inkih, abba hayten dambih sin digaaleyyo. Koo kee Yarusalaam magaalal yan mara kee Yuudah yooboke marak, «Maabinay uduura» 'yaanam siinik exceh suge'mmay, woh num siinik moggolinna. Tonna leemiik duma siinil oobiseyyo exce balak tu macabay siinil oobiseyyo› 'yaanam kaak inxic» iyye.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 11:21

Takkay immay anu niqibyo duyyeh-qibaadah amok kate waa mara siinik digaaleyyo. Oson abba haan uma taamah ken digaaleyyo. Ahat yabtam yoo Mulki le YALLA› keenik inxic» yok iyye.

Yacedkel 14:19

«Hinnay kaadu, abeh an bagcarrah sahdat tabta dalka woo baaxol ruube yoo tekkeeh, too dalka ummat kee saq selte kaa tekkek,

Yacedkel 16:43

Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 16:59

«Yoo YALLAY Mulki le axceemih, ‹Abeyyo intem duuduse cinteeh; titta elle geynem yol makteemih sabbatah, koo celta digaalah koo digaaleyyo.

Yacedkel 18:30

«Away yoo YALLAY Mulki lehiyya siinik axceemih: kulli numuluuy abba hee umaanek abba heeh gidel kaal ackumeyyo. Tonna'mmay edde tanin dambik uduura. Abtan dambit isinni mabaysina.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Yacedkel 20:33

Waara YALLAY Mulki lehiyya kinniyooh inni migaaqal xiibita'mmay, abeh an bagcarrah gaba digga siinil heeyyom sin aysixxige. Yi milkih gacetton.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Yacedkel 22:31

Tonna-leemiik, abeh an bagcarra keenil oobiseyyo. Abba heen umaanek gexxaamah, inni balat ken bayseyyo. Tahat yabtem yoo YALLAY Mulki lehiyya» iyye.

Yacedkel 24:14

Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.

Yacedkel 30:15

Masri-qaskar amô-reebu le aracay migaaqah Baslus deqsitahiyyal, inni naqabu oobiseyyo. Teebes marih gaddaliino kee midir bayseyyo.

Yacedkel 33:20

Hay, Israayil maraw, isin ‹YALLI abam qadlik tanim hinna› intan. Takkay immay anu sin abto elle tani'nnal siinil mekla» keenik iyye.

Yacedkel 6:12

Allal yan mari keenik dalkah ambaxele. Xayi'kkel yan mari carbit keenik ambaxele. Tohuk raqtem qululuh ambaxele. Tonnal yi naqbi le'nna ablelon.

Yacedkel 7:27

Malik weeqeleeh, mislik niya radele. Ummatat axaxo heele. Abba hayteenimih sin digaaleyyo. Sinaamal abak sugten cokmi siinil abeyyo. YALLA kinniyom too waqdi yok aaxigetton» iyye.

Yacedkel 7:9

Siinih maracmata. Siinih maxuwaawa. Abteenih tanin uma taamak gexxaamah, digaala raq siinik mali. Anu YALLA kinniyom kee, sin digaaltam yoo kinnim, too saaku aaxigetton, keenik inxic» yok iyye.

Yacedkel 9:10

Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.

Yacedkel 9:8

Qidimih gaba heen waqdi, anu dibuk wokkel sugeeh; too waqdi baaxok bagul gomboh radda exceh deero abe. «YALLAW, Mulki le Dageltaw, Yarusalaamah abta bagcarrat Israayil ummatak raqte saabo seltaa?» exce.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.

Daaniyel 9:27

Too malik inki malciin-gide mango marah bica abele. Woo malciinik garab taturra 'ya waqdi, ummatta abak sugte sadgat kee mattaco inkih abe ken kalele. Yalli faxe baati too ikke amma 'tam fanah, kaxxam umâ-yabulih tanim Yallih Qibaadah-Qarik fayya 'ta aracal heelon. Tamah nagay cubbusay mahawweenin» yok iyye.

Hosiqa 12:3

Oson akak raden ken kaxxa abba Yaqkuub bagut yan saaku, isi toobokoyta Qiisoy inâ bagut gangaytuh kaa'lih yanihiyya dibqi yibbixeh kaa'lih yoome. Yenbe saaku kaadu Yalla lih yingiicille.

Hosiqa 5:10

YALLI iyyaamah, «Yuudâ marih abbobti Israayil baaxo geyta'gidih, cuduudul suge xeet kala marih innal tekke. Tohih sabbatah yi bagcarra weeqi innah keenil oobiseyyo.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.