Yacedkel 6:6 - NABUWWA KEE MALIKWA

⁶ Israayil magaalooli suge waytem ceelak cabba heeyyo. Oson yaqbuden duyye kee sadgat elle aban arac riira abeyyo. Abba heenim inkih, suge wayteh innah, keenik heeyyo.

Yacedkel 6:6 Iomraidhean Croise

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Yasaqya 2:20

Too ayro dahab kee lakqok bicsen duyyey yalla 'yeenih aqbuduk sugeenihiyya baaxot qideloonuuh; woo duyye elle qiden arac gablâ-kimbir kee hantuuti-dabqi akkele.

Yasaqya 27:9

Tonnal dambi keenik katele. Israayil mari edde ase umaanek qafu geen saaku aham akkele: sadgatah xeetik bicsen mansaf, bardak bicsen xisneh innah, iggilla heelon; riira akkele. Aseeral yaaxigen gurmuuday qibaada akah abak sugeeni, qaydarus elle ruuban mansaf soolak maraaqa; bayele'kkal.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Yasaqya 64:10

Ku magaalooliy taahirik tenehiyya Siyon agantah haanah raqte. Yarusalaam sahda elle deedalta abur tekke.

Ermiyaas 10:22

Toh too tiya'mmay, away xaagi yemeeteh yanik oobbeyay! Kilbat le kabuk kaxxa waxxaqa kee deero aba mari yamaate iyyaana'mmay too mari yamaatu waa waqdi, Yuudâ-magaalooli bacarih gacissa heelon. Oson elle sugen arac wakri guub akkele» 'yaanam keenik exce.

Ermiyaas 2:15

Sinam lubooka siinil akah tekkem maay taaxigen? Baaxo siinik abur aben. Dabaaqah elle sugten magaalooli siinik carariseeniih tu elle ane wayta baaxoy haanah tani siinik aben.

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 51:18

Ta duyye deedala'kkalah, tu xiqtam hinnaay tanim hinna; Yallih digaala tamaate saaku baatu wayta duyye.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Ermiyaas 9:19

Ankacca haay! Siyoonul booge tantaabbeh tan. «Bayneeh; qaybit radneh nan. Magaala cabneh genxam nek faxximta; ahaysa buxaaxi nek abur tekkeh tan» 'yaanam iyyen.

Yacedkel 12:19

Taham Israayil maray away isi baaxol yanihiyyat takku waytaamih ceelallo takke'gidih ab. Israayil mari yaaqubeeh yakme waqdi meysih axaxitele. Sahdah cakkiy yaaxigeenihiyya maloonuuy; edde yaniinim kulli way baatili kinnuk, oson elle yanin baaxo suge wayteh innah gacele.

Yacedkel 16:39

Ken gabat koo heeyyooh, xeet kee cooxuk bicsen duyye elle aqbuduk sugte arooca kee, mareytáh koo elle luk sugen aroocay fayya le ikkel tanihiyya aggiggilelon. Xagarat lito sartan kee bila kok kalla heenih, qasunuk koo cabelon.

Yacedkel 30:13

YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.

Yacedkel 35:4

Magaalooli kaadu abur siinik abeyyo. Baaxo siinik abuuruh cabeyyo. YALLA kinniyom too saaku yok aaxigetton.

Yacedkel 5:14

Yarusalaam abuuruh cabeyyooh; dariifal siinik tan baaxoh ummat sin garik gitah gacteh gexxa waqdi, burah af siinil raqeeqiseloonuuh; siinil maxayyoowan.

Yacedkel 6:4

Sadgat elle aban arooca finqa abeyyo. Qaydarus elle haan duyyeeya bututtukka axcele. Too duyyek foocal sugu waa mari, aqbuduk sugen xeet kee cooxuk bicsen duyyeh foocal, ken qidelon.

Yacedkel 6:7

Sahda kulli ikkel keenik qidelon. Too waqdi YALLA kinniyom yok aaxigelon.

Hosiqa 10:2

Afqado keenik makot taniih; too makoh sabbatah, celta digaala keenit akkele. YALLI oson bicsen qibaadah arooca kee xeetik bicsen qamidway yaqbudeenihiyya bututtukku keenik heele.

Hosiqa 10:8

Beet-Awenil fayya le ikkel tan aroocay uma-taama elle abak sugeenihiyya bayele. Oson bicsen qibaadah aroocal waaqex kee keenan aabukele. Ummat qaleelak, ‹Nee uqura› axcele. Koomaamik, ‹Nel radaay› axcelon» iyye.

Miika 1:7

Xeet kee coox kee biriitak bicsen duyyey aqbuduk sugeenihiyya riira akkele. Woo duyyeh qibaada elle aban qaril tan xiiqareh-xiinah yan agabuh acayuk sugen duyyet inkih gira gexele. Too yaqbuden duyyeeyah ceelo bayele. Woo duyye naqboytiitih keenik yan mari keenik beeleeh; too duyyey beenihiyya isinni yallitteh ceelo elle yaqbuden qarwal tan xiiqareh-xiinah aceelon» iyye.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Miika 5:13

«Xeet kee cooxuk bicsen duyyey taqbudeenihiyya siinik bayseyyo. Xeetik bicsen qamidway yaqbudeenihiyya siinik bayseyyo. Ahak wadir isinni gabak bicissen duyye mataqbudan.

Cabakkuk 2:18

A xeet kee cooxuy taqbudeeni maca siinih xiqtaah? Tet le marah mannah tanim xiqta? Ah sahdayti isi gabak bicseemi'kkal tu siinih xiqtam hinnaay, deedalak sa akak geytaanam manton. Yaqbuden duyye bicse mari, isi gabat bicseemiy afak yaabe waytahiyyal yaamineh!

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.

Zakariyya 13:2

«Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.

1 Samuwel 5:4

Nammeyhaytoh ayro kaadu yemeeten waqdi, woo ceelo gaboobi kee amo keenih luk masuginnaay; YALLIH Qahdi addat akak yan Sanduguk foocal raddeh keenih sugte. Amo kee namma gaba akak tiddigilleh sugteeh, Daagon qibaadah bicsen qari akak culan afal raddeh keenih sugte.