Yacedkel 6:3 - NABUWWA KEE MALIKWA

³ ‹Israayil qaleelaw, Mulki-le-YALLIH yab oobbeya› inxic. Yoo YALLAY Mulki lehiyya edde yaaba yab, qaleela kee koomaami kee qaleelak fanat tan goloolak, ‹Oobbeya› inxic. Xeet kee cooxuk bicsen duyyeeya elle yaqbuden arooca bayisu waa seef ruubeyyo.

Yacedkel 6:3 Iomraidhean Croise

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

Yasaqya 27:9

Tonnal dambi keenik katele. Israayil mari edde ase umaanek qafu geen saaku aham akkele: sadgatah xeetik bicsen mansaf, bardak bicsen xisneh innah, iggilla heelon; riira akkele. Aseeral yaaxigen gurmuuday qibaada akah abak sugeeni, qaydarus elle ruuban mansaf soolak maraaqa; bayele'kkal.

Yasaqya 30:25

Sin naqboytiitit kaxxa sugudi yakku waah, ken kaxxa megdebwa taddigillu wayta saaku, kulli qaleela kee koomaamik lee darah oobele.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 22:29

Woyyow yi ummatey, woyyow yi ummatey! YALLI siinik iyyam oobbeya.

Ermiyaas 3:23

Diini maleela lih gacca inneh qaleelah amol naqbude duyye neh xiqtam mali. Nee waddam, dibuk YALLAY ni Dageltah yani.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Yacedkel 36:8

yi Israayiliy, qaleela ayyuufa siinih baaheleeh, caxâ-miru siinih xalele. Ahaysa isinni baaxo xayuk gacetton.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Miika 6:1

YALLI iyyam ankacisa. «Ugutaay, yi mari baahe umaanet marô-foocal yab! Qaleela kee koomam atu edde yabtam taabbay» yok iyya.

Miika 6:2

Qaleelaw, baaxo daffeynah elle tan rakiiboy waartahiyyay, YALLI a mari baaheemik edde yaabam oobbeya. YALLI isi marak wayto le. Israayil marak malkitele.