Yacedkel 5:16 - NABUWWA KEE MALIKWA

¹⁶ Maaqoy geyak sugteeni sin waysiseyyooh; qulultoonay sin axceyyo. Qululuh abtaanah tanin biyak, af-le-gaysê-baxay sin edde baysoonuh qideenihiyya biyaakah le inna siinil aallele.

Yacedkel 5:16 Iomraidhean Croise

2 Malikwa 6:25

Too magaalat maro heenimih sabbatah, magaalal kaxxa darô-wayti raddeeh; inki dananak-moyyâ limo lakqok bacra-tabanih garsi tekke. Camaamah-daca namma gabah gide takkem limo lakqok koona garsi tekke.

Yasaqya 3:1

YALLAY Dagelta kinnih Nabaamak Nabahiyya, Yarusalaam kee Yuudâ-rasuk ummatta kibaal elle luk sugte mara kee duyye beele. Lee-kee-qaysoh edde sugeenim keenik beele.

Ermiyaas 52:6

Tohih sabbatah magaalal kaxxa qulul radeeh; ellecabol too sanatak fereyhaytoh alsak sagalhaytoh ayro ummatak maaqo tembexeeh, magaalal xagaanam waytinteh.

Yacedkel 14:13

«Bani-adantow, ayyuntak teeni yol yaaminem cabba heeh dambi le taamat ase kaa tekkek, tonnal gaba keenil heeyyooh, maaqo akak geyak sugen arooca keenik bayseyyo. Qulul ruubeyyooh; saq kee ummat akah tambaxe'nnah abeyyo.

Yacedkel 4:16

Sarrak yok iyyeemih, «Bani-adantow, Yarusalaam mari geyak suge maaqo akah gee waan innah abeyyo. Wokkel yan mari meysi luk yakme maaqo miizaanal keexak akmeleeh; yaaquben lee keexol keenih aceeyyoh, axaxitak aaqubelon.

Yacedkel 5:15

«Yi naqabu kee bala siinil obtam yableeh anu sin digaalam yable mari, siinik sakkiteleeh; sahda bursuttaah anqaasah elle rabta mara akketton. Siinit tekkem gersi marah sarrah kas akkele.

Yacedkel 5:17

Xaylo siinik qidda'gidih, qulul kee alluwwa siinit ruubeyyo. Sin edde qiduh biyak siinit ruubeyyooh; sahda siinik titta qideleeh; carbi addal siinik akkele. Tahamat yabtam yoo YALLA» yok iyye.