Biblia Todo Logo
Bìoball air-loidhne

- Sanasan -




Yacedkel 5:11 - NABUWWA KEE MALIKWA

11 «Waara YALLAY Mulki lehiyya kinniyooh, tonna-kinnuk axceemih: gabat bicsen duyye kee caraamak tan taamat, Qibaadâ-Qari yok nadaasa abteeniih; tonna-leemiik anu kaadu darre siinit cabeyyooh; siinih maracmatay siinih maxuwaawa.

Faic an caibideil Dèan lethbhreac




Yacedkel 5:11
48 Iomraidhean Croise  

YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.


Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.


Yuudâ-malikwa, Malik-Acad buxah amol hayteh sugte mansafittey xeet kee cooxuk bicsen duyyeh qibaada elle abak sugeenihiyya kaleh. Tonnah kaadu, Malik-Manasse qibaadah hee suge mansafittey YALLIH Qibaadah-Qarih namma daaratal sugtehiyya kaleh. Too mansafitte bututtukka heeh, riira keenik Kidroon deqsitta goloh addal qide.


YALLIH Qibaadah-Qarih addal, diini-maleela taqbudeemih sadgat elle aban arooca bicse. Woo sadgat arooca elle bicsem, YALLI duma, «Yarusalaamal kulli way yi qibaada elle takke'gidih doore araca» akak iyye aracak ten.


Yallih Qibaadah-Qarih addal gabak bicsen ceeloy yaqbudeenihiyya hee. Woo ceelo elle heem, Yalli Malik-Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addak doore araca» akak iyye aracak ten.


Tohuk kalah kaadu, Yuudah abbobti kee seekah abbobti Yalla cinna hayteh, cuggaaneh keenik yan mari edde ase umâ-yabulih-tan-taama inkih kataateeniih, xeet kee cooxuk bicsen duyyeeyah qibaadat gacen. YALLI isih taahir abe Qibaadah-Qari nadaasa aben.


Tonna'mmay YALLAW, isi mara umaanek gacis. Abba hannaanimil nee makataatin. Bagcarritta waqdi digaalak nee cat. Abba hannaanimil nee katatteeh, bagcarritta waqdi nee digaaltek, wonnal baatik sa qamballam mannu.


Oson aban uma-taama kee dambil namma addah taduure digaalah ken digaaleyyo. Macaay inteenik, baaxol yok umâ-yabulih-tan-duyyey rooci sinnihiyyat wasak aben. Woo duyye yalla axcuk yaqbuden» iyye.


Yoo elle yaqbuden qarih addal, umâ-yabulih tan duyyey Yallih innah yaqbudeenihiyya heeniih, yi Qibaadah-Qari nadaasa aben.


Fiiruk geerah inni nabuwway yoo takdumehiyya ken fanah ruubeeh; too nabuwwa, Taham Yalli niqba taama'mmay maabina, 'yaanam axcuk keenih warisak sugte.


Taduuroonu waytan saaku, taaxige gabat bicsen duyyey yaqbudeenihiyya baysetton.


Takkay immay anu niqibyo duyyeh-qibaadah amok kate waa mara siinik digaaleyyo. Oson abba haan uma taamah ken digaaleyyo. Ahat yabtam yoo Mulki le YALLA› keenik inxic» yok iyye.


YALLAY Mulki lehiyya iyyeemih, «Atu niqibtooh, faxe wayta marih gabal koo heeyyo.


Oson aben dambi amahat taadeem hinna. Too saaku yi qariy yoo elle yaqbudeenihiyya nadaasa aben. Anu yoo edde uqbuda exce Sabti ayro xagure waanam baahen.


Xeet kee cooxuk bicsen duyyeh sadgatah yi xaylo qidda heenik sarra, yi qariy yoo elle yaqbudeenihiyya yemeeteeniih, nadaasa aben. Yi qaril toh aben.


Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.


Doolatwak inkih boolah gacta doolat akkeloonuuh; marin doolatih abbootanak raaqelon. Hebeltô tuxxiq sinni mara ken abeyyooh, tonna-leemiik tohuk wadir doolatwa isinni gubat mahaan.


‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.


Malikwa isinni qarwa akak culan afa, yi qari fan akak culan afah xaqut heenih yaniiniih; tonnal ken kee yi fanat dibuk inki gidaarak sah tu masuginna. Tonnah abak yi migaaqay taahirik yanihiyya wassakoyseenih. Tohih sabbatah abeh an bagcarrat ken bayseh.


Allî-baaxoh maray salot sinnihiyya yi Qibaadah-Qari culussaanaah, nadaasa kaa abten. A maray isin bahteeni, yi yab oggola mara hinna. Sadgatah qiddan saqih xayta kee qabal sadgatah bahtan waqdi, a mara yi qariy taahirik yanihiyya gabat bahtan. Tonnah abak sin kee yi fanal yen xagana bayisseenih.


Away Yarusalaamey, yoo YALLAY Mulki lehiyya kok iyyam ankacis. Yi amri cinteeh yi yab bursuttehiiy; tonna-leemiik kok dariifal tan baaxok lafitta umaane bahte. Oson abuk-raqtih luk sugen qaada keenik kaxxih qaadah haysitte.


Duma yan saaku dahab kee lakqo kee luuluk mangom luk sugeenimih sabbatah, tohul kaxxam kaxxiinitak yeneeni'mmay, maca akak abeenih? Sarra woo duyyek yalla axcuk yaqbuden duyye bicsen; ableh-umam akak aben. Tohuk gexxaamah anu too duyye caraamu keenil abeyyo» 'yaanam iyye.


Siinih maracmata. Siinih maxuwaawa. Abten qaybik tan abtoh sin digaaleyyo. YALLA kinniyom tonnal yok aaxigetton, keenik inxic» yok iyye.


Siinih maracmata. Siinih maxuwaawa. Abteenih tanin uma taamak gexxaamah, digaala raq siinik mali. Anu YALLA kinniyom kee, sin digaaltam yoo kinnim, too saaku aaxigetton, keenik inxic» yok iyye.


Too waqdi Yalli yok iyyeemih, «Bani-adantow, ama'kkel yakke umâ-yabuli maay tablee? Ahak sarra kaadu amahak gactam abletto» yok iyye.


Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.


Tonna'mmay tahaysaay yi bagcarra le'nna ablelon. Keenih maracmataay maxuwaawa. Anay fayya haak yoo kallacaanamah keenik moggola» yok iyye.


Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.


Sarrak kaadu taaxige-lica-numuk, «Isin magaalah addak usuk gexinnaan ikke kaa'lih gexaay kulli num qida. Numuh maracmatina; numuh manacruurina.


«Tohuk gexxaamah, YALLAY Yaqkuubuk-rade-mari-yassakaxxehiyya isi migaaqal xiibiteeh, iyyemii, ‹Sin taama aaxigeeh, mahawweena.


Too waqdi yok iyyeemih, «Anu ahak wadir a baaxol enna 'ya marah maxuwaawaay, ken macata. Kulli num, garil kaak yan num akkeey, amol kaak yan amoytih gabal hee akkeyyo. Too mari baaxo bayseleeh, anu kaadu woo baaxo baysoonay ken axceyyo. Tah intam yoo YALLA» iyye.


YALLAY Nabaamak Nabahiyya iyyeemih, «Too mari yi mara. Anu gaba qidu waa saaku, too mari yi intit fayya le mara akkeleeh; abba isi baxay kay yab yoobbehiyya akah racmata innah, anu too marah racmateyyo.


Lean sinn:

Sanasan


Sanasan