Yacedkel 48:1 - NABUWWA KEE MALIKWA

¹ Baaxok afto geytuh migaq akak yunkuttube kedo ah teeti. Daan deqsitta kedoh yooboke mari, baaxok kilbat le qaxat raqta exxat isinni afto geelon. Too baaxoy keenih tantacawwu waytahiyya ah teeti. Cetlon deqsita magaalak xabba haanamaay Camat deqsita daabay gitah gacaanahiyyaay, tokkeek kaadu, Hadar-Qeenon deqsita aracay Damasko kee Hamat doolatih cuduudul geytimahiyyah amma 'yaanam tan baaxok, Daan deqsitta kedoh cuduuduh raaqele. Oson geyan exxa, baaxok ayrô-mawqak xabba haanamaay ayrô-culmah amma 'yaanam tan exxak tan.

Yacedkel 48:1 Iomraidhean Croise

2 Samuwel 24:2

Too waqdi Dawud qaskar abbah yen Yowabah amri yeceeh iyyemii, «Qaskar abbobti lih gacca 'xicay, inkih tan Israayil kedooda elle geytimma 'ta baaxok, woo qaxaay a qaxa fanat, yakkeenih gide keenik looway am. Qadad keenik aaxigem faxak» iyye.

Yacedkel 47:13

YALLAY Mulki lehiyya iyyeemih, «Taban kee namma kedoy Israayilih toobokehiyya kurrusuttu wayta baaxoh cuduud ah kaana. Yuusufuh yooboke marah namma exxa akak acuya.

Yacedkel 47:20

«Ayrô culma le kabut raaqa cuduud Maditraaniyah bad kinni. Kilbat le kabuk Camat deqsita daabay gitah gacaanahiyyak foocat yan arac fan yakke.

Yacedkel 47:23

Tama marah, addat akak lih yanin kedok kaxxih, isinni afto baaxok geyaanama. Tahat yabtam yoo YALLAY Mulki lehiyya» iyye.