Yacedkel 47:1 - NABUWWA KEE MALIKWA

¹ Woo num Yallih Qibaadah Qarih culma fan yoo gacse. Too culmak lee awaquk teneeh; too lee Qibaadâ-Qarik exxak teenay gabbi-qaxat raqtahiyyak amma 'teh sadgat elle aban aracak gabbi-qaxa le kabu darah gexak, ayrô-mawqa le kabuy Qibaadâ-Qari edde yafkunehiyya fanah darah oobak ten.

Yacedkel 47:1 Iomraidhean Croise

Yasaqya 2:3

Mango baaxol yan mari too saaku iyyu waamah, «Qibaadâ-Qari elle yan YALLIH-Qale fan nee beya» tittak axcelon. «Israayil ummat doore Dageltih-Qibaadah-Qari elle yan arac nawaqu wayna. Yalli tokkel isih faxem nee barsele. Usuk faxe gitat gexenno» 'yaanam axcelon. YALLIH-baritto elle tanim, Yarusalaam magaalaay; Siyon qalek isi ummat lih yaaba.

Yasaqya 30:25

Sin naqboytiitit kaxxa sugudi yakku waah, ken kaxxa megdebwa taddigillu wayta saaku, kulli qaleela kee koomaamik lee darah oobele.

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Yacedkel 40:6

Tohuk gaba kalla hee waqdi, daarat akak yawqen afay ayrô-mawqa le kabut af cabtahiyya fanah gexe. Tokkek mawqeena yewqeeh; amo guffu hee waqdi, dagaak guba fanah culma takkeh gide yimittire. Sidooca mitri xexxaarah tekke.

Yacedkel 41:2

baguh koona mitri yekke. Gura kee migdat kaak tan gidaarwak kulli gidaar, masuh sidooca mitri kee garab akkuk yen. Woo golik xexxar labaatanni mitri akkuk yeneeh, baguh tabna mitri akkuk yen.

Yacedkel 46:24

Woo num yok iyyeemih, «Amaham, Qibaadâ-Qarih addal Yallih taamat yan marah, ummat sadgatah bahta saqih cado elle alaysan araca» iyye.

Yacedkel 47:12

Weeqaytuk namma xaqul maaqo akak geyan coox aabukele. Too cooxuk ayyuufi malaqaymuuma; kulli alsal xalele. Ta coox Qibaadâ-Qarih gubak racta lee yaaqubeemih sabbatah, kulli way xaylo xalele. A coox xala xaylo maaqo sinaamah akkeleeh, ayyuufi dayla sinaamah akkele» iyye.

Yacedkel 47:2

Tohuk lakal woo num kilbat le kabut raqta afaak beyya yoo heeh, afah yoo yeyyeeqeeh, tokkeek ayrô-mawqat raqta culma fanah yoo bee. Too culmak gabbi-qaxa raqta exxak qunxa buyyi-baxi caxitak yen.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Zakariyya 13:1

YALLAY Nabaamak Nabahiyya iyyaamah, «Too ayro Yarusalaam ummat kee Dawuduk rade mari abak suge caraamu kee uma-taamak edde taahirroowoonuh, edde kaqalan buyyi keenih racele.

Zakariyya 14:4

Too ayro YALLI Yarusalaamak ayrô-mawqa le kabut raqta Madeera-li deqsitta qalel gacele. Too qale ayrô-mawqaak ayrô-culma fan namma ikkel kurruumeleeh, fanal kaxxa daqar akak awqele. A qalek garab kilbat fanah angayyeleeh, garab gabbi-qaxal angayyele.

Zakariyya 14:8

Taham takku wayta ayro, Yarusalaamak addal sila le lee darah innah caxitele. Too leek garab Rabe Bad deqsita bad fan caxitele. Aki garab Maditraaniyah Badat angalele. A lee cagayaay, karma, way mataggiriqay darah oobele.