Yacedkel 46:2 - NABUWWA KEE MALIKWA

² Baaxoh abba afa le kabut raaqa daaratak gacca 'yeh, adda le kabut raaqa daaratih culma akak culan naharsi golik culla iyyeh, sarra culmal tan qamidwa le kabuuk solla iyyay. Too waqdi cado akak cararisan sadgat kee amaanah xiinaanamih astah baahe sadgat, sek kay aftok cararisaama. Sarrak too culmah garil dooqa abba heeh yawqeemi. Ayrô-mawqa le kabut raqta culma bari tikka 'yam fanah alfe woonay.

Yacedkel 46:2 Iomraidhean Croise

1 Aydaad 17:16

Tohuk lakal Malik Dawud siraq adday YALLA-elle-yaqbudeenihiyya culla 'yeeh, tokkel daffa 'yeh fayla kee dooqa abe. Iyyeemih, «YALLAW, yi Dageltaw, anu a axxul le maqaaney yoh abtehiyya geyam caddik le num hinniyo. Yoo kee yi buxah marak atu neh abteh tan maqaane, ni caddik fulta maqaane.

1 Aydaad 9:18

Sallum a saaku fanah, Malik Afa deqsitak ten Culmay ayrô-mawqa le kabul geytimtahiyyat dacayrih yan. Dumah yan dabaanal oson akak raden mari, Leewih yooboke mari elle yinfiddige aroocat dacayrih suge marak ten.

2 Aydaad 23:13

Woo baaxol qaadah akah abak sugen innah, Yallih Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Kaadu farcatak yan maray waxxaq iyya kee baanta yaagurehiyya tuble. Qibaadâ-Qaril saare aba mari elle digran duyye luk a qaffaydak foocat yen. Toh tuble waqdi, Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

2 Aydaad 29:29

Too waqdi Malik Ciskiyyaahu kee raqqa 'ye mari inkih gulubuh gacca 'yeh YALLA yuqbuden.

2 Aydaad 34:31

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule.

2 Aydaad 6:13

Suleeman fayya 'ya aracay nacaasak bicseenihiyya Yallih Qibaadah-Qarih daaratih gudel heeh yen. Too aracay nacaasak bicseenihiyya affara kabuk tittat koona cusul akkuk yen. Fayyah kaadu sidooca cusul akkuk yen. Sarrak too mansafal bukka 'yeeh, kulli num kaa elle yable ikkek gulubuh nokka 'yeeh, dooqah qaran fanah namma gaba fayya hee.

Yacedkel 40:19

Adda le kabut raaqa daaratih fan koo beyta culma fayya le aracal ten. Woo num woo namma culmak fanal raqta baaxo xexxaarah takkeh gide yimittire waqdi, kontom mitri tekke.

Yacedkel 40:39

Culma akak culan naharsi golih addal, affara miiziy titta fanah yafkunehiyya yen. Woo affara miizik nammayay kabul yen. Cado inkih akak carrisan saq kee, dambi-kalootuh-baahan-sadgat kee, edde-asen-qellatih-cakkih-baahan-saqa elle asguuduk yeneenim, ta miizwah bagu.

Yacedkel 44:3

Takkay immay ummatak abba yi foocal taahirroysen-gaqambo yakme'gidih, wokkel daffeyu duudah. Culma akak culan naharsi goliik culmah afak culla bukka 'yam duudah» iyye.

Yacedkel 45:19

Sek too dahaltuy dambi-kaloot-sadgatah qideenihiyyah qabalak tu takkem beyya heeh, Qibaadâ-Qarih albaab dagah amook tani'kkel caxay. Sadgat elle aban mansafak affara *ruknil kaadu caxay, adda le kabut raaqa daarat adda akak culan culmal, tonnah kaadu caxaama.

Yacedkel 46:12

«Baaxoh abba isi fayxiik YALLAH sadgat abam faxeeh; too sadgatah cado akak carrisan saq akki kee, hinnay kaadu, amaanah xiinaanamih astah aban sadgat abe kaa tekkek, ayrô-mawqa le kabut raqta afa kaah fakoonay. Sadgat too Sabti ayro akah abba haa innah abaama. Usuk gexxa 'ya way too afa alfoonay» iyye.

Yacedkel 46:8

Baaxoh abba tahak inkih gaba kalla haa waqdi, akak cule afaak gacca 'yeh yawqay.