Yacedkel 44:3 - NABUWWA KEE MALIKWA

³ Takkay immay ummatak abba yi foocal taahirroysen-gaqambo yakme'gidih, wokkel daffeyu duudah. Culma akak culan naharsi goliik culmah afak culla bukka 'yam duudah» iyye.

Yacedkel 44:3 Iomraidhean Croise

2 Malikwa 16:18

Tohuk kalah Assuuriyah malik kaak faxak sugeemih sabbatah, YALLIH Qibaadah-Qarih addal xisen iraawo-le-aracay sabti qiidih ayroh heeni wokkek kaleh. Tonnah kaadu YALLIH Qibaadah-Qarih afay malikwa dibuk qibaadah akak culta'gidih bicseenihiyya alfeh.

2 Aydaad 23:13

Woo baaxol qaadah akah abak sugen innah, Yallih Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Kaadu farcatak yan maray waxxaq iyya kee baanta yaagurehiyya tuble. Qibaadâ-Qaril saare aba mari elle digran duyye luk a qaffaydak foocat yen. Toh tuble waqdi, Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

2 Aydaad 34:31

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule.

Yasaqya 23:18

Tohuh tellemmot geyta maksab yenek, taamat geyta lakqo tenek, magaadanat madaanisaanay; YALLIH taamat assa'gidih, YALLA-yaqbude-marih meqe maaqo kee meqe sartan edde xaamelon.

Yasaqya 62:9

Takkay immay siiniy a daro qiddaay orbissa heehiyya tet gaqambo akmeleeh, YALLA faylisele. Qinabak bicsen kamri taaqabu waytam, siiniy qinab caxah amo wagitak sugeeh tet xaylo gaaboysehiyya. Elle taaqaboonu waytaanam, yi qariy taahirik yanihiyyah daarata» 'yaanamal xagna siinih cule.

Yacedkel 34:24

Yoo YALLAY Mulki lehiyya, innih, ken dacrisa Dagelta akkeyyooh; Malik Dawud innah yan malik ken xiinisa'gidih abba keenik abeyyo. Taham exceh, edde maqagita.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Yacedkel 46:12

«Baaxoh abba isi fayxiik YALLAH sadgat abam faxeeh; too sadgatah cado akak carrisan saq akki kee, hinnay kaadu, amaanah xiinaanamih astah aban sadgat abe kaa tekkek, ayrô-mawqa le kabut raqta afa kaah fakoonay. Sadgat too Sabti ayro akah abba haa innah abaama. Usuk gexxa 'ya way too afa alfoonay» iyye.

Yacedkel 46:2

Baaxoh abba afa le kabut raaqa daaratak gacca 'yeh, adda le kabut raaqa daaratih culma akak culan naharsi golik culla iyyeh, sarra culmal tan qamidwa le kabuuk solla iyyay. Too waqdi cado akak cararisan sadgat kee amaanah xiinaanamih astah baahe sadgat, sek kay aftok cararisaama. Sarrak too culmah garil dooqa abba heeh yawqeemi. Ayrô-mawqa le kabut raqta culma bari tikka 'yam fanah alfe woonay.