Yacedkel 42:6 - NABUWWA KEE MALIKWA

⁶ Woo golittey sidiica rankok xissintehiyya elle xissintem barandak ten. Qamiddul rakuh mananna. Aki qarway daaratal tenehiyya gubak qamiddul xissinteh ten.

Yacedkel 42:6 Iomraidhean Croise

1 Malikwa 6:8

Qibaadâ-Qarik gabbi le kabuk xakabuh tan qarwa culaana'gidih, afa ten. Too afak fanti-qarwa kee inkih daga raqta qarwa akak yewqen mawqeena ten.

Yacedkel 41:6

Ta qarwa, sidooca qari fanah tittak amol xisen qarwak ten. Daga raqta qarwa mangah soddom tekke. Fanti qarwa kaadu soddom qari tekke. Kulliimik guba raqta qarwa, tonnah kaadu, soddom qari tekke. Qibaadâ-Qarih gidaar boohaysaanam faxxiime waak teneemih sabbatah, ta qarwa soolisaana'gidih raku akah heen.

Yacedkel 42:5

Woo qarik fayya le caddot raqta aroocal xisen golitte, gubak fanti golitte kee rammat raqta golittek qunxuk ten. Toh akah kinnim, xissinte waqdi gitah elle gacan arac ken foocal yen.