Yacedkel 41:6 - NABUWWA KEE MALIKWA

⁶ Ta qarwa, sidooca qari fanah tittak amol xisen qarwak ten. Daga raqta qarwa mangah soddom tekke. Fanti qarwa kaadu soddom qari tekke. Kulliimik guba raqta qarwa, tonnah kaadu, soddom qari tekke. Qibaadâ-Qarih gidaar boohaysaanam faxxiime waak teneemih sabbatah, ta qarwa soolisaana'gidih raku akah heen.

Yacedkel 41:6 Iomraidhean Croise

1 Malikwa 6:10

Taaxige sidiica qarway tittak amol tanihiyyak kulli qari fayyah koona cusul akkuk yeneeh; Qibaadâ-Qarik iro le kabuk xakbisaana'gidih, sariidâ coox amô-tabsuh heen.

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 41:5

Sarrak kaadu Yallih Qibaadah Qarik adda le kabu raaqa gidaar masuh yakkeh gide yimittire waqdi sidooca mitri yekke. Too gidaarak bagut Qibaadâ-Qari gexxa 'yam qunxa qarwâ-xaylo teneeh; too qarwa baguh namma mitri akkuk ten.

Yacedkel 42:6

Woo golittey sidiica rankok xissintehiyya elle xissintem barandak ten. Qamiddul rakuh mananna. Aki qarway daaratal tenehiyya gubak qamiddul xissinteh ten.