Yacedkel 41:4 - NABUWWA KEE MALIKWA

⁴ Iqiyat yan goli yakkeh gide affara kaalib yimittire waqdi, tabna mitri yekke. Ta goli woo fanti golik aki-qaxat raaqak yen. Sarrak yok iyyeemih, «Aham Kulliimik-Taahiriinoh-Yayse-Goli» iyye.

Yacedkel 41:4 Iomraidhean Croise

1 Malikwa 6:16

Kulliimik-Taahiriinoh-Yayse-Goli deqsita goli elle yenem, Qibaadâ-Qarik iqiyak ten. Too golik gambi sariidak bicse. Qibaadâ-Qarik darre le kabuuk woo aracak goli gambi fan, xexxaarah labaatanni cusul akkuk yen.

1 Malikwa 6:20

Woo arac xexxaarah labaatanni cusul akkuk yen. Baguh kaadu labaatanni cusul akkuk yen. Fayyah kaadu labaatanni cusulih gide akkuk yen. Golik adda inkih, agle sinni dahabak exfen. Sadgat elle aban aracay sariidak bicseenihiyya kaadu agle sinni dahabak exfen.

1 Malikwa 6:5

Qibaadâ-Qarik dariifat qunxa qarwa xiseeh; too qarwa iro le kabuk Qibaadâ-Qarit xakabuh raaqak ten.

1 Malikwa 7:50

figaaginiiy, faanuswa edde bargusan afti-xaylooy, sacnitteey, qeerisan qaydarus elle haan mingilwa kee, xikcin elle haan kabaaba inkih, saafik yan dahabak bicsiise. Tohuk kalah kaadu, Kulliimik-Taahiriinoh-Yayse-Goli kee Qibaadah-Qarik iro le kabuk akak culan albaab tabbixe duyye inkih dahabak bicsiise.

1 Malikwa 8:6

Tohuk gaba kalen waqdi, seeka YALLIH Qahdih-Sandug ukkuqqa hayteh, Yallih Qibaadâ-Qarik addal, Kulliimik-Taahiriinoh-Yayse-Goliy iqiyat raaqahiyyah addal daffeyseenih, woo galwa leemih ceeloh gubal heen.

2 Aydaad 3:8

Adda le kabu raaqa goli, Kulliimik-Taahiriinoh-Yayse-Goli deqsitak yen. Too goli labaatanni cusul xexxaarah akkuk yeneeh, baguh labaatanni cusul akkuk yen. Tonnal inkih yan qari baguh yakkeh gide akkuk yen. Labaatanni alfi kiilok fula yakke dahabay agle sinnik woo Kulliimik-Taahiriinoh-Yayse-Goli edde exfeenih yenen.

2 Aydaad 5:7

Tohuk gaba kalen waqdi seeka, YALLIH Qahdih-Sandug ukkuqqa hayteh, Qibaadâ-Qarik addal Kulliimik-Taahiriinoh-Yayse-Goliy iqiyat raaqahiyyah addal daffeyseeniih, woo galwa leemih ceeloh gubal heen.

Yacedkel 41:23

Taahirik yan Arac kee Kulliimik-Taahiriinoh-Yayse-Goli inkih, namma alfeena le albaab luk yen.