Yacedkel 3:8 - NABUWWA KEE MALIKWA

⁸ keenik kaxxih yab aabbe waah, afqado gibdi num koo abeyyo.

Yacedkel 3:8 Iomraidhean Croise

1 Malikwa 21:20

Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

Yasaqya 50:7

Ken xaafi yol baaham mali; YALLAY Mulki le yoo cataah; toh abaluk, tu edde mawaa. Ableemil inkih asbiruk, aabbeemil inkih asbiruk, takkay axceh edde xiina. Faxe xaafu yot aban way, qaybi akah yoo mayabbixa.

Ermiyaas 1:18

Yuudâ-malik kee doolat-abbobti kee seekaay, a baaxol yan mara inkih, naqboytit kok akkelon. Takkay immay keenit edde koysitta dudda koh aceeyyo. Ta saakuu, maro edde tan magaalay naqboyti cule waa kee, birtak aben qamidduy addigille waa kee nacaasak yan birtak xisen gasoy xaggiime wayta, koo abeh ani'kkal, num tu kol mabaaha. Faxe qeebi kot abaanamah, anu ko'lih ani'kkal, kot baahaanam malon› 'yaanam YALLI yok iyye» iyye.

Ermiyaas 15:20

Nacaasak bicsen birtay xaggiime waa keenil akketto. Qeebi kot abe loonu'mmay, kok mayaysan. Anu innih ko'lih gaceyyo. Koo xagtu waytam matan.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Yacedkel 3:7

Takkay immay Israayil mari koo hinna'mmay, yi yab yaabbe mara hinnon. Moyyat yab keenik maradaay, afqado gibdi mara kinnoonu'mmay,

Yacedkel 3:9

Gibdah xixxaq innah koo heeyyooh, qandeh qadoo-xaahi innah koo heeyyo'mmay, ama yabti-cina-leelak mameysitin» yok iyye.

Miika 3:8

Nabi Miika iyyeemih, «Yoh tu gactek, YALLI isi Roocaaniyya dudda luk yol oobiseeh, isi qande yot hee. Qadaalatah tanim yoo yuybulleeh, Israayil mari aba dambit inti qasuk keenih edde warisa dudda yoh yecee.