Yacedkel 15:4 - NABUWWA KEE MALIKWA

⁴ Kafta waqdi girah urse weenik, tohoysa xiqtam mali. Hay girat qidan waqdi, buxux akak yonkommeeh, gude akak raqte saaroyti xiqtam maay le?

Yacedkel 15:4 Iomraidhean Croise

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Yacedkel 15:3

Saaruk gersim hinnak, duyye edde takran fallakka le caxxa akak bicsaanam maay duudan?

Yacedkel 15:5

Dumaak girat qide'kal, sahdah xiqtam luk masuginnaay; awayay girat qideenihiyya, xiqtam luk maraqta» yok iyye.

Yacedkel 15:6

Tonna'mmay taway YALLAY Mulki lehiyya iyyaamah, «Too saaroytay garboh addak irgiqqa heenih girat qideeni elle carara'nnal, Yarusalaam ummatta too bis le digaalah, ken digaaleyyo.

Yacedkel 19:14

Caxak ludwak tewqe gira xaylo teetik selli hayte. Malik caxxa akak aben luud away mayan; maraaqinnon; 'yaanam axcuk yen. Nabi Yacedkel tama weeqay nadaamah yanihiyya yuktubeeh; kay mari mango waqdi abak yenen.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.