Yacedkel 13:6 - NABUWWA KEE MALIKWA

⁶ Oson ‹Nubleh› iyyan wacyi, dirab wacyi. ‹Akkele› iyyaanam, takku waytam hinna. ‹Siinih warisnam, YALLIH farmo› siinik iyyan. Toh keenik diraabaay; siinih warsaanam yi farmo hinna. Isinni amok yeyyeeqen yab akkelem keenit celta.

Yacedkel 13:6 Iomraidhean Croise

1 Malikwa 22:12

Raqqa 'te nabuwway wokkel sugga 'tehiyya usuk iyyem inteeh, «Gexay Raamot magaalat qeebi ab, aysettok. YALLI nasri koh aceele» iyyen.

1 Malikwa 22:15

Sarrak malik-Acab fan yemeete waqdi, Malik-Acab kaak iyyemii, «Miikayhuw, yoo kee Malik-Yacoosafat Raamot-magaalat qeebi abna'gidih gaadnu innaa, magaadnuuh?» kaak iyye. Miikayhu iyyeemih, «Gexay ken gaada. Keenik aysettoonuuh; YALLI nasri siinih aceele» kaak iyye.

1 Malikwa 22:27

Keenik intamaa, ‹Malikii, «Amaanah uduurra axcem fanah tama num casbit sugusaay dago maaqo kee leek biso kaah maacina» siinik iyye› keenik inxic» iyye.

1 Malikwa 22:37

Malik-Acab tonnal rabeeh; raysa kaak Samaariyah magaala fan been. Tokkel kaa yoogoqen.

1 Malikwa 22:6

Sarrakaa, Acab affara bool takke nabuwwah seeco abeeh; too nabuwwa temeete waqdi ken essereh, iyyeemih, «Raamot magaala nabbixe'gidih gaadu'nna, raaqooh?» iyye. Oson too waqdi, «Gexay gaad; YALLI nasri koh aceelek» kaak iyyen.

Ermiyaas 14:14

Too waqdi YALLI yok iyyemii, «Ama nabuwwa kinnino iyya mari sin lih edde yaabam diraaba. ‹Yalli nee ruube› 'yaanam siinik iyyaanaah, ‹Yalli wacyih woh nek iyye; ah nek iyye› iyyaana'mmay, toh diraaba. Anu ken maruubinniyo. ‹Wonnah yan saaku woh akkeleeh, ah akkele› axcuk keenih warsaanam tanim hinna. Isinni amok yeyyeeqeenih baahan yaaba.

Ermiyaas 23:16

«Toh too tiya'mmay, Yarusalaam maraw, yoo YALLAY Nabaamak Nabahiyya siinik axcem liyo. Toh macaay inteenik, ama mari siinil yaceem numma makkalina. Deedaltam siinil yaceenim, gee waytaanam geettoonu siinik iyyan. Siinil yaceenim, isinni amok yeyyeeqen yaaba ikkal, anu keenik excem hinna.

Ermiyaas 28:1

Taham edde tekke sanatak konoyhaytoh alsay Xidkiya malik yekkeemih fereyhaytô-sanatah yamaatehiyyat, Qaddúr-Cananiya deqsita nabi YALLIH qibaadah qari yemeete. Too nabi dabqah elle yenem, Gibqon deqsitta magaalak ten. Tokkel seeka kee raqqa 'te ummattah foocal yok iyyemii,

Ermiyaas 28:15

Too waqdi Ermiyaas Cananiya fanah gexeeh, kaak iyyemii, «Cananiyaw, YALLI koo maruubinnaay, atu ummatat dirab numma celsissa. Tonna'mmay taway YALLI kok iyyem koh warisu waak ankacis. ‹Ahaysa addunyâ bagul koo macaba. Ummat yi naqboytit abteeh, tohuk gexxaamah a sanat gaba kale'kal rabettom ixig› kok iyye» kaak iyye.

Ermiyaas 28:2

«YALLAY Nabaamak Nabah, Israayil doore Dagelta kinnihiyya iyyemii, ‹Baabelon malik sinam fillal yabbixe *madmad (kambar) kaak aggileyyo.

Ermiyaas 29:31

«Baabelon fan seewah beyya heen marak intamaa, YALLI siinik iyyamaa, ‹Nacelaamal yooboke Samaqya dirab siinil yaceeh, anu kaa maruubinniyo'mmay, anu kaak axce weem, anu excem siinit celsiisa. Dirab numma siinit celsiiseeh; kay yab teemeneenih.

Ermiyaas 29:8

Toh lih kaadu siinik iyyaamah, ‹Yoo YALLAY Nabaamak Nabah, Israayil doore Dagelta kinnihiyya aylahu siinih akak kalam liyo. Toh macaay inteenik, ama nabuwwa-kinnino-iyya-mara kee, sarra takku waytam nanu naaxige iyya maray sin addal yanih yab maabbina. Ken yaabal maylahitina. Ama isin ken essertan soonoy oson nubleh iyyaanah hangi maacina.

Ermiyaas 37:19

Isin nabuwwah luk sugten maray ‹Baabelon-qaskar qeebi kot mabtaay ku marat mabta› axcuk sugehiyya, a saaku maca yekken?» kaak iyye.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Yacedkel 13:7

Anu keenik axceemih: Ama ‹Nubleh› intan wacyi, dirab wacyi. ‹Sarrah woh akkeleeh ah akkele› akak intaanam kaadu, takku waytam hinna. ‹Ah neh warissem YALLA› intan. Diraaba siinik, anu siinih warsem hinna, siinik axceh an.

Yacedkel 21:23

Israayil mari, tah nummah net takku waytaama, 'yaanam maxaccinnon. Toh akah kinnim, duma aben bical amo muquk yeneenimih sabbata. Takkay immay ah keenih akah warsam, aben dambi kassitaana'gidiiy antixibbixe loonum naharal elle yeexegeenih sugaana'gidi.

Yacedkel 21:29

Tableenim deedala wacyi. Akkele intaanam diraaba ikkal takkem hinna. Umeynit kinniton; uma taama sinimi. Ellecabo digaala siinit takkuh, kabba 'teh tan. Filla siinik edde yargiqoonu waan seef yan.

Yacedkel 22:28

Nabuwwa qari irok noorat yaskute marih innah, ta umaaney takkehiyya yastureenih; able ween wacyi nubleh iyyaanaah, akke waytu waytam akkele iyyan. Toh Yallak geyne xaagu iyyan. Yoh tu gactek, anu tu keenik maxacciyo.

Zakariyya 10:2

Duyye kallactaanam tu matanfiqa. Faal qida mara tu esserten waqdi, too mari siinil yaceem diraaba. «Nuble soonoh maqna siinih warsennok aytikuma» siinik iyya mari kaadu yeceem deedalaay, sahda gitak makot beyan. Tohuk gexxaamah ummat, baye illih innah, finqat tan. Abbay ken miraacisa maloonuuy, edde yaniinim gadaamah adda.