Yacedkel 1:4 - NABUWWA KEE MALIKWA

⁴ Amo iroh fayya hee waqdi, kaxxa caaco kilbat le kabuk amaatih uble. Kaxxa qamburreh addat cankaxay bixiq iyya uble. Cankaxi bixiq elle iyya'kkel, nacaas innah tanim ifah uble.

Yacedkel 1:4 Iomraidhean Croise

1 Malikwa 19:11

YALLI too waqdi kaak iyyemii, «Wokkek tatre koo sugu waak, eweqay foocal yok sol» kaak iyye. Sarrak YALLI wokkek tatram fan naharat kaxxa caacoy qaleela baqaaqissaah xeet taggiggilehiyya ruube. Takkay immay YALLI too caacoh addat mananna. Woo caaco solteeh, sarrak baaxoh angoyyi yekke. Takkay immay YALLI woo baaxoh-angoyyih addat mananna.

2 Malikwa 2:11

Tonnal titta lih bisoh elle gexaanamal walalak gexen. Sarrak garciik girak bicsen gaariy girak bicsen faras giitak beytahiyya ken nammay fan temeeteeh, too waqdi Eliyyas mermeritta caacot qaran fan yewqe.

2 Aydaad 5:13

Yakkeenimiik inki adda akkaquk YALLA saarisan waqdi, *baanta kee giyaagib kee, wohuk kalah tan duyyey saareh yaagureenihiyya luk aagaruk aben. YALLIH saareh iyyeenim, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk Yalla faylisen. Too waqdi, garciik qamburre YALLIH Qibaadah-Qarik adda inkih bulteh.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Ermiyaas 23:19

YALLIH naqbi mermeritta-caacoh gideey; umeynit baysele.

Ermiyaas 25:32

«Qagisay keenik intamaa, YALLAY Nabaamak Nabahiyya siinik iyyamaa, ‹Bala temeetek, wagita. Umaane fuluk axcuk baaxook baaxoh marat tabta. Baaxô-maggaraqak kaxxa caaco ugutta› keenik inxic» yok iyye.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 4:6

‹Asta fayya haa! Siyon qale fanah sissikuk kuda. Wadir mafkuninay isillima. Muudurrutinay kilbat le kabuk baatiy ummat seltu waytahiyya ruubam faxak xayuk isillima› keenik inxica.

Ermiyaas 6:1

Benyam maraw, isillimaay amaan elle yan ikke gexa! Yarusalaam magaala cabay gexa. Kilbat le kabuk umaane temeeteeh; baati xayyowtek! Takooqâ-magaalal yan maraw, *baanta ugura. Asta siinih takke'gidih, Beet-Hakkarem deqsita aracal gira urusa.

Yacedkel 1:27

Too numuy sahdayti gurral yanihiyyak, xonkok daga raaqa xagar girat laqlaqen nacaasih innah urak yen. Xonkook guba raaqa xagar kaadu, giray habug inta kaak ceelak yen. Kay xagarak yawqeh yan ifih diifi kaak dariifal urak yen.

Yacedkel 13:11

Ama nabuwwa akak iyyan marak, ‹Kaxxa roobuy arroqle lehiyya ruubeyyoh; caaco ruubeyyo. Too rob kee caaco gidaar siinik aggilele› keenik inxic.

Yacedkel 13:13

YALLAY Mulki lehiyya iyyaamah, «Anu bagcarrita saaku, sin baysa'gidih kaxxa caaco kee roobuy arroqle lehiyya ruubeyyo.

Yacedkel 43:3

Woo waqdi wacyih ublem, Yalli Yarusalaam bayisa'gidih yemeete saaku ublem ceelak ten. Kabar deqsita weeqaytih garil uble wacyi kaadu, ta wacyi ceelak yen. Too waqdi gomboh baaxol rade.

Yacedkel 8:2

Annah wagga hee waqdi, girah innah urtaamay sahdayti ceelo lehiyya uble. Xonkook addah yan xagar kaak gira ceelak yeneeh; xonkook daga raaqa xagar, dugga heenih yisiffiyen nacaas innah, liliq axcuk yen.

Zakariyya 6:6

Woo data faaris beyta gaari kilbat fan gexxaah; qado faaris beyta gaari ayrô-culma fan gexxa. Gayrin faaris beyta gaari gabbi-qaxat raqta baaxo fanah gexxa» yok iyye.